Торта од мед и лешници – омилената на Џејми Оливер

Основата на оваа торта е лесна и за подготовка и за консумирање, па не е ни чудо што Џејми Оливер тврди дека може да ја консумира со задоволство во секое време.

Како да ја подготвите неодоливата спојка на мед и лешници?

Сосотојки:

• 250g путер
• 220g мед
• 4 големи јајца
• 150g мелени лешници
• 150g брашно
• 2 ½ лажички прашок за печиво
• ¼ лажичка сол

За чоколаден намаз:

• 200g темно чоколадо
• 50g путер

100g цели лешници за декорација

Подготовка:

Загрејте ја рерната на 160 степени. Подмачкајте едно тавче со обем од 24-25 сантиметри и обложете го со хартија за печење.

Со миксер изматете го путерот додека не стане кремаст, па во него додадете го медот. Добро промешајте додека се соедини.

Кршете едно по едно јајце и полека додавајте во смесата со постојано мешање. Додавајте ги и останатите состојки една по една со мешање.

Смесата ставете ја во тавата и израмнете. Печете околу 45 минути на 160 степени.

Кога тестото е готово, извадете го и почекајте да се олади. Превртете ја тавата и ставете го добиениот пандишпан на жица како би се оладило комплетно.

На пареа стопете го путерот за чоколадниот намаз и додадете го чоколадото.

Глазурата прелијте ја по тортата, а врз неа наредете ги лешниците како на сликата.

Оставете го колачот 1 час на собна температура, па уште 1 час во фрижидер.

Послужете со овошје или топка сладолед.

М. Д. | Црнобело