Неодолива смрзната карамел торта која се топи во уста
Совршен спој на чоколадо, млеко, путер, бисквити и сладолед од карамел – што повеќе може да побарате од еден сладок, летен рецепт?
Сепак нагласуваме дека ова е само за љубителите на многу слатки, интензивни вкусови како чоколадо и карамела. Смрзнатата тортичка се топи во устата, несомнено ќе стане вашиот нов, омилен летен рецепт.
Потребни состојки:
- 400 g бисквити
- 80 g несолен путер (стопен, па оставен да се олади)
- 1 шолја (90 g) кокос
- Прстофат сол
- 1,5 l омекнат сладолед од карамел
- 400 g кондензирано, слатко млеко
- 200 g темно чоколадо
- 300 ml слатка павлака
- ¼ шолја (60 ml) сончогледово масло
Начин на подготовка:
- Премачкајте го тавчето со димензии 20×30 cm. Поставете хартија за печење која ќе излегува од рабовите на тавчето.
- Ставете ги бисквитите во блендер и фино сомелете ги. Додадете го путерот, кокосот и прстофат сол и повторно блендирајте. Истурете ја смесата во тавчето и цврсто натапкајте ја со дното од чашка.
- Истурете го омекнатиот сладолед врз првиот слој, а потоа додадете го кондензираното млеко. Измазнете ја површината со шпатула и ставете ја да се замрзне најмалку 1 час во замрзнувачот.
- Стопете го чоколадото на пареа. Додадете ја слатката павлака со постојано мешање додека добро не се соедини. На крајот додадете го сончогледово масло, но полека, додека добро не се соедини. Оставете да се олади чоколадната смеса, а потоа истурете ја врз слојот од сладолед. Оставете добро да се замрзне преку ноќ.
- Употребувајќи нож кој сте го поминале под врела вода, исечете парчиња од смрзнатата торта со сладолед од карамел.
(О)Милена | Црнобело
Би можело да ве интересира:
Рецепт за брзи и крцкави банички со месо, од готови кори
Секако дека нема да бидат исти како оригиналните со сукани и домашно подготвени ...
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Рецепт за две вкусни крем салати – идеални за претстојните мрсни слави
Доколку славите Митровден или друг празник во периодот до божиќните пости, имаме...
Рецепт за крцкави пица-стапчиња, за кои не треба да месите тесто
Наскоро почнува периодот на слави, па овие пица стапчиња можете да ги подготвите...
Рецепт за намаз од варени јајца – кремаст и сочен за мачкање леб
Ако ви останаа многу велигденски јајца, изрендајте ги, додадете неколку состојки...
Летен чоколаден колач – се прави во тава, нема печење и нема шанси да не ви се погоди
Во летниот период, кога не ви се поминува многу време во кујна – само измешајте ...
Препорачуваме
Најчитани неделава
