Совршен, летен ручек – хот дог со германски колбаси во пиво и неодолив сос од Дижон сенф
Дефинитивно сакаме да поминуваме што е можно помалку време во кујната, поради неподносливите високи температури.
Имаме совршен рецепт за вас кој ќе го обожаваат сите, а потребен е минимален труд и време за реализација.
Наместо стандардните виршли ви нудиме неодоливо вкусен рецепт со германски „братвурст“ колбаси во пиво и уште посладок сос чија основа е незаменливиот сенф Дижон.
Потреби состојки:
За Дижон сосот
- 1/3 шолја мајонез
- 4 лажички Дижон сенф
- 1 лажица сенф во зрна (по желба)
- 1 лажица течност од кисели краставички
- 3 лажици бел вински оцет
- 1 лажица шеќер
- ½ лажичка сол
- ½ лажичка црн бибер
- 4 шолји ситно исечкана црвена зелка
- 2 шолји ситно исечкана бела зелка
За колбасите со пиво
- 8 големи германски „братвурст“ колбаси
- 700 ml пиво
- 1 лажица путер
- 8 долгнавести лепчиња за хот дог
- Зелени лути пиперчиња (по желба)
Начин на подготовка:
- Прво направете го сосот. Во подлабок сад измешајте ги добро мајонезот, сенфот, течноста од киселите краставички, белиот вински оцет, солта и шеќерот, како и црниот бибер. Додадете ги двата вида исечкана зелка и добро промешајте. Оставете го сосот настрана.
- Во подлабока тава прво истурете го пивото додека не започне полека да врие. Додадете ги колбасите и оставете да се готват 8-10 минути на ниска температура.
- Потоа извадете ги, истурете го пивото и вратете ги колбасите да се зготват до крај со 1 лажица путер на средна температура.
- Во секое лепче ставете по еден колбас и нанесете поголема количина од сосот.
- Лутите пиперчиња се опционални, а како прилог може да додадете маслинки, кисели краставички, помфрит и секако – ладно пиво.
(О)Милена | Црнобело
Би можело да ве интересира:
Рецепт за божиќни путер колачиња
Внесете ја празничната магија во вашиот дом и нека замириса на превкусни путер к...
Рецепт за брзи лиснати ролнички со сланина
Ако ви се најават гости или сакате да зготвите нешто брзо за ужинка за домашните...
Рецепт за мекици, од домашниот тефтер на мајките и бабите
Ако сте љубител на мекици, не мора да чекате да се роди ново бебе, може да си ги...
Рецепт за пита со џем од малини која се топи во уста – како кај баба на гости
Наликува на лења пита, се прави многу лесно, а се топи во уста со вкус на путер ...
Рецепт за најубавите домашни принцес крофни
Принцес крофните се подготвуваат толку безо и лесно, што ако ги направите еднаш,...
Совршен пролетен десерт - црвени палачинки со маскарпоне и овошје
Слаткиот вкус на палачинките во комбинација со свежото овошје, истовремено и ќе ...
Препорачуваме
Најчитани неделава
