За деновите кога немате време за готвење – 6 рецепти за брзи оброк салати

Обично луѓето ја гледаат салатата како прилог, но со малку креативност можете да ја претворите и во цел оброк.

Во деновите кога немате многу време за готвење, оброк салатите се одличен начин да се храните здраво, но и да се чувствувате сито.

Во продолжение погледнете 6 рецепти за брзи оброк салати:

Грчка салата со тестенини

Сварете 250 грама тестенини и оставете ги да се изладат. Потоа, во сад измешајте домат, краставица, жолти и црвени пиперки, фета сирење и сварените тестенини. Додајте малку маслиново масло и вашиот оброк е готов.

Клуб салата со пилешко и авокадо

Во сад измешајте сезонски зеленчук, како домат и краставица. Потоа додајте малку лук, сирење, едно парче пржена сланина и половина авокадо. Испечете или испржете малку пилешко, додајте го во салатата, а по желба можете да зачинете и со маслиново масло и јаболков оцет.

Кремаста песто салата со авокадо

Во блендер измешајте едно авокадо, шолја млеко, песто сос и сок од лимон и направете хомогена смеса. Во меѓувреме, во рерната испечете околу 400 грама зеленчук, како брокула и тиквички.

Сварете околу 200 грама тестенини по желба и измешајте ги со кремастиот сос. Потоа додајте го печениот зеленчук, а можете да додадете и малку сирење и јаткасти плодови.

Продолжува на следната страница...