4 едноставни рецепти за домашен хумус - најздравиот намаз

Хумусот е традиционално јадење од Блискиот Исток, во кое главната состојка е наутот. Покрај наутот, најчесто хумусот се прави со таан, лук и лимон, но постојат и многу други варијации.

Хумусот е еден од највкусните намази, а уште подобро е што неговото правење одзема многу малку време.

Во продолжение, можете да погледнете неколку вкусни рецепти за домашен хумус:

Домашен хумус без таан

Потребни состојки:

• 2 шолји наут (варен или од конзерва)
• 1/4 шолја исечкан кромид
• 1 чешне лук
• 1/2 шолја свеж магдонос
• 1 црвена пиперка (печена)
• 1/4 шолја маслиново масло
• 2 лажици лимонов сок
• Сол и бибер по вкус

Начин на подготовка:

Ставете ги сите состојки во блендер и блендирајте додека не добиете хомогена смеса. На крај можете да додадете малку бибер и уште малку маслиново масло.

Хумус со путер од кикиритки

Потребни состојки:

• 2 шолји наут (варен или од конзерва)
• 2 лажици путер од кикиритки
• 2 лажици лимонов сок
• 1 чешне лук
• 1 лажица маслиново масло
• 1/2 лажичка сол
• 2 лажици вода

Начин на подготовка:

Ставете ги состојките во блендер и блендирајте додека не добиете хомогена смеса. На крај можете да додадете уште малку маслиново масло, но и зачини како бибер или куркума.

Хумус со кари

Потребни состојки:

• 2 1/5 шолји наут (варен или од конзерва)
• 2 лажици маслиново масло
• 2 лажици вода
• 1 лажица лимонов сок
• 1 лажичка кари
• 1/4 лажичка сол

Начин на подготовка:

Ставете ги состојките во блендер и направете хомогена смеса. На крај, додајте сол по вкус.

Песто хумус

Потребни состојки:

• 2 1/5 шолји наут (варен или од конзерва)
• 1/3 шолја свеж босилек (исечкан)
• 2 лажици маслиново масло
• 1/4 лажичка морска сол

Начин на подготовка:

Блендирајте ги сите состојки додека не добиете хомогена смеса.

Погледнете и Зошто хумусот е најздрав и највкусен намаз на светот и како да го подготвите дома?

Спирова С. | Црнобело