Омилен викенд појадок: Направете си вкусни, домашни пишии
Есенско утро со традиционален појадок – кавадаречки пишии, во комбинација со сиренце или џем и слатко од овошје – верувајте, нема ништо повкусно.
Многумина би рекле – зошто да правам, кога има мекици да си купам... Но, ништо не е подобро од домашно зготвени пишии по традиционален рецепт.
Оние кои се по потекло од Тиквешијата, сигурно го паметат детството по вкусните пишии на баба и мама, а сега на сите ви нудиме шанса да се пробате во кујна.
Ние си ги направивме и гарантираме дека со сигурност целото семејство ќе ужива во појадокот – вкусни пишии, меки како душа.
Потребни состојки:
- 1kg брашно
- 1 коцка квасец
- 2 мали лажички сол
- 4 мали лажички шеќер
- 2 мали лажички алкохолен оцет
- 100 ml зејтин
- ½ литар вода (по потреба се додава во тестото)
Начин на подготовка:
- Во 100ml млака вода се раствора шеќерот и квасецот.
- Откако квасецот ќе стаса, се додава во брашното, заедно со солта.
- Додадете малку оцет и замесете го тестото во пола литар вода – смесата треба да биде малку помека од онаа за леб.
- Тестото се меси додека не почне да се одвојува од садот, па се остава покриено со крпа да нарасне.
- Откако ќе нарасне, тестото се дели на 15 парчиња (зависи од големината која сакате да бидат пишиите) и се покриваат со крпа.
- Ставете во длабок сад повеќе зејтин и оставете да се загрее.
- Пред пржење, секое топче малку растегнете го со рацете, за да добие посплескана форма, но не претерано сплескана.
- Се пржи додека добијат златеста боја, па се вртат од другата страна.
- Оставете да се исцедат на хартија, па сервирајте.
М. М. | Црнобело / фото: CRNOBELO.com
Би можело да ве интересира:
Вкусни ф’стак колачиња, од само 3 состојки - ќе сакате сами да ги изедете сите
Овие колачиња од ф’стак се толку вкусни што нема да сакате да ги делите ни со се...
Рецепт за две вкусни крем салати – идеални за претстојните мрсни слави
Доколку славите Митровден или друг празник во периодот до божиќните пости, имаме...
Во кујна со Ангела од Кочани: Домашни пиварки со кокос и ореви, по рецепт од баба ѝ
„Голем љубител на готвењето сум, почнав да готвам јадења уште од 4-то одделение,...
Посно медено срце - сочна и здрава верзија на омилениот колач
Ако сте љубител на медено срце, а периодов постите, тоа не значи дека треба да с...
3 посни рецепти без масло - вкусни јадења за божиќниот пост
Брза пита од компири и праз, мусака со печурки, чорба со зелка - овие три рецепт...
Во кујна со Марјан од Скопје: Домашни кифлички по рецепт на неговата мајка
„Уште од мал, гледајќи ја мајка ми како меси и прави разни ‘лудории’ во нашиот о...
Препорачуваме
Најчитани неделава
