3 италијански здрави рецепти: Крема од тиква и хељда, рижото со цвекло и graukase, аспарагус со јајца
Во склоп на Неделата на италијанска кујна, денес на менито имаме неколку рецепти за здрава италијанска храна подготвени од најреномираната академија за кулинарство во Италија „АЛМА“.
Знаеме дека сте нетрпеливи да ги набавите состојките и да уживате во вкусниот оброк со чаша вино - баш како што знаат само Италијанците.
Ова се трите рецепти за денес:
1. Аспарагус и јајца (Asparagi e uova)
Состојки за 4 лица:
- 4 китки аспарагус
- Маслиново масло ладно цедено
- Оцет од бело вино
- 4 јајца
- Сол
- Бибер
За кремата од пармезан:
- 40ml течна павлака
- 80g Parmigiano Reggiano
- Сол
- Бибер
Постапка:
- На аспарагусот му се отсекуваат врвовите, а долниот дел се лупи и се сече закосено на помали парчиња.
- Во тава се става да зоврие вода со масло и неколку капки оцет и во неа се вари аспарагусот.
- За пошираните јајца, во тенџере се загрева вода во која сме додале сол и неколку капки оцет, сѐ додека не почне да врие.
- Јајцето се крши и истура внимателно во водата, која треба околу него да се заврти како вртлог, со помош на маталка. Така јајцето се готви околу 5 минути.
Крема од пармезан: Во мало тенџерче се ставаат течната павлака и изренданиот пармезан, се додава сол и бибер по желба. На многу тивок оган се загрева додека пармезанот не се стопи и целата смеса да стане хомоген крем.
Послужување: На дното од чинијата се става кремата од пармезан, врз неа се става јајцето и околу него аспарагусот.
2. Топол крем од тиква и хељда (Crema tiepida di zucca e grano saraceno)
Состојки за кремот од тиква:
- 250g тиква
- 125g компири
- 50g праз
- 100g моркови
- 50g карфиол
- 50g ладно цедено маслиново масло
- 25g суво бело вино
- 150g кокосово млеко
- 150g вода
- 1g куркума
- 7g сол
Состојки за бисквитите од хељда:
- 100g хељда
- 200g вода
- 2g сол
- 50g масло
Подготовка:
- Во тава се пропржува зеленчукот со маслиновото масло, се посолува и се додава белото вино. Кога виното ќе испари, се додава вода да го покрие зеленчукот, се додава сол и куркума.
- Кoга зеленчукот е доволно сварен се додаваат останатото масло и кокосовото млеко и се мати со блендер.
- За бисквитите се става хељдата во ладна посолена вода и се вари 20 минути. 1/3 од добиената смеса се мати со блендер и се развлекува во тенка кора со помош на два листа хартија за печење.
- Кога ќе се излади кората се сечат форми за бисквити и се запечуваат во тава со масло и мајчина душица.
- Се пропржуваат во тава листови од зелка, праз и тиква, за декорација.
Послужување: на дното од чинијата се става кремата од тиква. Врз неа се додаваат бисквитите од хељда и пропржениот зеленчук.
3. Рижото од јачмен со цвекло и graukase (вид „сив“ кашкавал од регионот Алто Адиџе) (Orzotto con rapa rossa e graukase)
Состојки:
- 320g бел јачмен (рафиниран)
- 200g цвекло
- 40g Graukase (полузрел кашкавал од сирово кравјо млеко)
- 30g Пармезан
- 1l растителен бујон
- 30g кромид
- 30g путер
- 20g бело вино
- Рен
- Ѓумбир
- Сол
- Бибер
Подготовка:
- Се подготвува бујон од целер, морков и кромид. Цвеклото се вари додека да омекне во солена вода. Кромидот се сечка ситно и се пропржува со путерот. Дел од цвеклото се сече на коцкички, а останатиот дел се меша во блендер со дел од бујонот, пропржениот кромид и малку ѓумбир и рен, додека да се добие хомогена кремаста смеса.
- Во едно широко тенџере се подзапечува јачменот на путер, а потоа се залева со белото вино. Откако алкохолот ќе испари, се готви со постепено додавање на бујонот.
- На 2/3 од постапката се додава и пирето од цвекло. Кога јачменот е сварен се додава сол и бибер по потреба и се трга од оган. Се додаваат путерот и пармезанот и коцкичките цвекло.
- Се послужува топло и богато се поросува со ренданиот сив кашкавал (graukase).
Би можело да ве интересира:
3 супи за рамен стомак (се подготвуваат за 30 минути)
Ако планирате да бидете на диета и да загубите некој килограм, супите се одлични...
Јајца на око со виршли во форма на цветови - децата ќе ги обожаваат (видео)
Едноставен рецепт за јајца на око со виршли цветови, кој, освен што се спрема бр...
5 предлог посни рецепти за деновите кога не знаете што да јадете
Пет рецепти без масло и со масло за деновите додека трае постот. Што можете да п...
3 рецепти за деновите кога постите без масло
Шпагети со лук и сусам, вкусен ориз со лозови листови или киноа... Што можете да...
2 рецепта за посното мени на Свети Никола што може да ги подготвите и во последен миг
Рибата можете да ја испечете во Air Fryer, а во компир салатата да додадете и ма...
Брз и хранлив оброк: Јајца со кисело млеко или павлака, на турски начин
Пржените јајца честопати се дел од нашите оброци, а најчесто ги подгот...
Препорачуваме
Најчитани неделава
