Рецепт за палачинки со необична состојка - мајонезот ги прави уште помеки
Можеби ви звучи чудно, но многумина велат дека токму мајонезот е состојка која може да ги направи палачинките уште помеки, а некои дури го користат и како замена за јајца.
Овие палачинки не се солени, може да се јадат со џем, мед и јаткасти плодови или крем – тајната е во тоа што со денови може да останат меки.
Ако не сакате многу благо, изоставете го шеќерот во рецептот, па комбинирајте ги со сирење, кашкавал и разни солени додатоци.
Ви го пренесуваме основниот рецепт за палачинки со мајонез, за кои многумина велат дека се меки со денови откако ќе ги испечете, а вие пробајте ги и пишете ни како испаднале.
Потребни состојки:
- ½ литар топла вода
- 9 супени лажици брашно
- 2 супени лажици мајонес
- 2 јајца
- 2 супени лажици шеќер
- 15g ванилин шеќер
- 2 супени лажици масло
- Малку сол
Подготовка:
- Изматете го мајонезот со јајцата, шеќерот, солта и ванилиниот шеќер. Користете жица или миксер.
- Додадете ја топлата вода и просеаното брашно. Добро измешајте, да нема грутки, па додадете масло.
- Тестото нека отстои 20 минути.
- Подмачкајте го тавчето со масло, но само еднаш, на почетокот на печењето.
- Печете ги палачинките по 1-2 минути од страна. Додека се уште топли, покријте ги со чинија, додека не ги испечете сите.
М. Д. | Црнобело
Би можело да ве интересира:
Рецепт за божиќни путер колачиња
Внесете ја празничната магија во вашиот дом и нека замириса на превкусни путер к...
Палачинки со сирење и шунка - одлична идеја за викенд појадок
Палачинките се секогаш одличен избор за појадок, вечера, ужина или десерт. Но, д...
Рецепт за брзи лиснати ролнички со сланина
Ако ви се најават гости или сакате да зготвите нешто брзо за ужинка за домашните...
Рецепт за пита со џем од малини која се топи во уста – како кај баба на гости
Наликува на лења пита, се прави многу лесно, а се топи во уста со вкус на путер ...
Рецепт за мекици, од домашниот тефтер на мајките и бабите
Ако сте љубител на мекици, не мора да чекате да се роди ново бебе, може да си ги...
Рецепт за најубавите домашни принцес крофни
Принцес крофните се подготвуваат толку безо и лесно, што ако ги направите еднаш,...
Препорачуваме
Најчитани неделава
