Лазања во корнет - Сочен ручек за првиот викенд од новата година
-->
Првиот викенд во новата година заслужуваме да се почастиме со неодолив ручек со богат вкус – направете си лазања во корнет.
Добро познатата редена лазања може да ја пробаме на нов начин – рецепт во кој ќе ужива цело семејство.
-->
Изгледа неодоливо и богато на трпезата и нема да можете да се сопрете од земање парче плус.
Потребни состојки:
- Лазања
- 700g мелено месо
- 250g рикота (или друго меко сирење)
- 200g рендана моцарела (или кашкавал)
- 500ml доматен сос
- 100g пармезан
- Маслиново масло
- Сол и бибер
Начин на подготовка:
- Потопете ги парчињата лазања во топла вода, исушете ги добро на крпа и исечете помали парчиња од нив, кои ќе ги заролате како корнет.
- Испржете го месото со сол и бибер на малку маслиново масло.
- Измешајте половина од испрженото месо со рикота сирење и со половина од ренданата моцарела или кашкавал.
- Ставете ја оваа мешавина во кесичка за замрзнување, исечете го врвот на кесата и полнете ги корнетите од лазања со оваа мешавина.
- Преостанатата половина од прженото месо измешајте го со половина од доматниот сос.
- Исечете парче лазања на помали парчиња и секое од нив редете го слоевито во мал, длабок сад – парче лазања, па малку од месото со доматен сос, па рендана моцарела или кашкавал – повторувајте во неколку слоеви, а најгоре ставете 2-3 парчиња лазања.
- Преклопете го садчето со поголем кружен сад во кој ќе сервирате и превртете, така што долната страна ќе дојде најгоре.
- Намачкајте ја куглата во средина со преостанатата половина од мешавината од месо и рикота.
- Остатокот од доматниот сос истурете го околу куглата од мелено месо и редете ги корнетите во куглата, така што малку ќе ги вдлабите во неа за да стојат цврсто.
- Одозгора наросете со преостанатите моцарела (или кашкавал) и со пармезан и ставете да се пече 15 миути на 200 степени Целзиусови.
- Исечете на парчиња и уживајте.
Погледнете го видеото за да ви биде појасна постапката (само првиот рецепт од видеото):
Lasagnes hérissonLasagnes hérisson ! c'est bon bon bon :)
Posted by Chefclub on Friday, October 23, 2020
-->
-->
М. М. | Црнобело
-->
Би можело да ве интересира:
Сочен колач со капини, мед и бело чоколадо, совршен за сите сезони
Сладок, мек како душа и едноставен за подготовка – овој колач со капини и мед е ...
Сочен викенд ручек: Свински кременадли на скара со прелив од мед
Свинските кременадли со глазура од мед можете да ги пробате за продолжени викенд...
Викенд ручек: Мусака ролат со мелено месо и растопен кашкавал
Како да подготвите вкусен ручек со којшто ќе ги изненадите домашните? Пробајте г...
Рецепт за нудли со сусам и лук, совршен брз ручек за постите
Гладни сте и сакате да јадете нешто топло, но да го подготвите набрзина? За овој...
Викенд ручек: Сочни шпагети со грчки ќофтиња, во црвен сос
Овој превкусен рецепт е комбинација од италијанската и грчката кујна... Дали би ...
Посен ручек за сладокусци - полнети црвени пиперки со ориз и печурки
Во деновите на пости, ви препорачуваме превкусен рецепт за црвени пиперки полнет...