Брзо и вкусно: Грчка „пица“ со пита-лепчиња за гиро
Ова не е пица во традиционална смисла на зборот, но вкусот е одличен и инспириран од состојки типично за грчкото поднебје. Воедно, не мора да се мачите со месење на тесто и да се туфкате дали ќе го погодите или не.
Како подлога треба да употребите готови пита-лепчиња за гиро… и што уште друго?
Потребни состојки:
- 4 пита-лепчиња за гиро (замрзнати, готови)
- 3 лажици доматна паста
- 1 лажица маслиново масло
- 1 чешне лук, ситно исечкано
- 10 „каламата“ маслинки, исчистени од семки, исечени на половина
- 1 половина црвен кромид, ситно исечкан
- 1 црвена пиперка, исечкана
- 100 g фета сирење (издробено со виљушка)
- Црн бибер, оригано (по желба)
- Сечкан магдонос и малку цеден лимон
Начин на подготовка:
- Загрејте ја рерната на 230°C. Во подлабок сад измешајте ја пастата од домати, маслиновото масло, сечканиот лук, биберот и ориганото. Премачкајте го секое лепче со оваа смеса.
- Наредете ги сечканата црвена пипер, кромидот и маслинките врз лепчињата. Врз секое лепче ставете од фета сирењето.
- Ставете ги во рерната да се печат околу 10 минути.
- По вадењето (по желба) наросете свежо исечкан магдонос и пропрскајте сок од свежо исцеден лимон.
(О)Милена | Црнобело
Би можело да ве интересира:
Брза пита со готови кори - им успева и на тие што не се вешти во кујна
Ако сте од оние жени (или мажи) што не се многу вешти во кујна, а сепак ви се ја...
Рецепт за брзи и крцкави банички со месо, од готови кори
Секако дека нема да бидат исти како оригиналните со сукани и домашно подготвени ...
Во кујна со Весна од Кичево: Домашна пита со праз и сукани кори
Сукано тесто без квасец, пита што се подготвува многу лесно, по рецептот на Маке...
Вкусна пита со боровинки и лимон
Без оглед дали ќе ја правите со свежи или замрзнати боровинки, оваа пита ќе има ...
Лесна салата со кремаст сос и крцкави компири - одлична и како прилог и како главно јадење
Крцкави компири, прелив од јогурт и мајонез, со микс од неколку билки и видови з...
Во кујна со Сузана Гавазова - Компир манџа по рецепт од мајка ѝ и домашно месено лепче во боја
„Растев со мирисот на свежо печено лепче, со звуците од кујната каде мајка ми ти...
Препорачуваме
Најчитани неделава
