Лесна салата со кремаст сос и крцкави компири - одлична и како прилог и како главно јадење

Крцкави компири, прелив од јогурт и мајонез, со микс од неколку билки и видови зеленчук - вистинско совршенство.

lesna-salata-so-kremast-sos-i-krckavi-kompiri-odlichna-i-kako-prilog-i-kako-glavno-jadenje-01.jpg

Оваа салата има толку богат вкус, што можете да ја јадете и како прилог и како главно јадење.

Толку е лесна и убава, што ќе ја подготвувате во секоја сезона - и за вас и за најблиските, и за гости.

Потребни состојки:

1kg компири
Сол и бибер по вкус
Малку маслиново масло
1 чаша јогурт
120g мајонез
Сок од 1 лимон
2 чешниња лук, ситно исечкани
1 лажица сечкан копар
1 лажица сечкан магдонос
1 лажица сечкан власец
½ краставица ситно исечкана
1 црвен кромид ситно исечкан

Начин на подготовка:

Најпрво подгответе ги компирите. Варете ги додека да омекнат (да не се целосно сварени).
Исцедете ги и оставете малку да се изладат, па ставете ги врз хартија за печење во плех.
Нежно згмечете го секој компир (можете со чаша) за да се сплеска, но нека остане во едно парче (да не се искрши на ситни парчиња).
Попрскајте ги компирите со маслиново масло и обилно посипете ги со сол и бибер.
Печете во загреаната рерна на 220 степени Целзиусови додека рабовите не станат крцкави и златно-кафеави (околу 45-60 минути).
Кога ќе бидат готови, извадете ги од рерната и оставете да се оладат и станат крцкави, па издробете ги на ситни парчиња.
Во меѓувреме подгответе го сосот.
Во длабок сад измешајте ги јогуртот и мајонезот.
Додадете го сокот од лимон, ситно исечканиот лук, копарот, магдоносот, власецот (или млад кромид, по желба), исечканата краставица и ситно исечканиот црвен кромид.
Мешајте додека сите состојки не се соединат.
На крајот спојте ги компирите и сосот, убаво измешајте и послужете ја салатата.