А, што со вишокот велигденски јајца? Направете прелив за вкусна салата со млади компири


А, што со вишокот велигденски јајца? Направете прелив за вкусна салата со млади компири

Кршењето со јајца ни е најомилената велигденска традиција. Вишокот скршени јајца најчесто ги употребуваме во Мимоза салата. Но, постојат и многу други вкусни рецепти со варени јајца кои вреди да ги испробате.

Vkusna-salata-so-veligdenski-jajca-i-mladi-kompircinja-01.jpg

Подгответе вкусна салата со млади компирчиња и неодолив прелив со варени јајца, сенф и бел вински оцет:

Потребни состојки:

  • ½ kg млади компири исечкани на резанки
  • Маслиново масло
  • Сол, црн бибер (по вкус)
  • 1 шолја рендан пармезан

Преливот всушност содржи варени јајца, познат уште како Gribiche Dressing.

За преливот ќе ви бидат потребни:

  • 3 тврдо варени јајца, сечкани на коцки
  • 6 мали корнишони, исечкани на парчиња
  • 1/3 шолја маслиново масло
  • 2 лажици бел вински оцет
  • 1 лажица исцедени и ситно сечкани капери (по желба)
  • 1 лажица сенф
  • Сечкан свеж магдонос

Vkusna-salata-so-veligdenski-jajca-i-mladi-kompircinja (1).jpg

Начин на подготовка:

  • Загрејте ја рерната на 220°С. Ставете ги исечканите компири во тавче врз хартија за печење и пропрскајте ги со малку маслиново масло. Ставете сол и бибер по вкус и печете ги 20-25 минути додека не заруменат.
  • Откако ќе ги извадите од рерната, посипете ги со ренданиот пармезан. Вратете ги повторно во рерната околу 1 минутка додека пармезанот не се растопи и извадете ги повторно.
  • Во подлабок сад измешајте ги сите состојки за преливот, вклучувајќи ги нормално и тврдоварените јајца. Измешајте ги со компирите и додадете свеж магдонос по желба. Уживајте во овој интерес вкус.

Vkusna-salata-so-veligdenski-jajca-i-mladi-kompircinja (3).jpg

(О)Милена | Црнобело

Би можело да ве интересира:

5 посни салати за сечиј вкус и џеб Ако сакате бадниковата вечера да ви помине полесно и посвежо, покрај неопходните...
Посна, полнета погача - идеална за да си ја понесете на работа за појадок На сите ни е смачено да мислиме што ќе јадеме на работа денес, а дилемата се оте...
Импровизирана Цезар салата во домашни услови - подеднакво вкусна како во ресторан Доколку ви недостасува да нарачате сочна Цезар салата со фантастичен дресинг и к...

Најчитани неделава

sonovnik-sidebar.jpg