Здрав десерт со овесни снегулки и јагоди – колачиња за кои ќе немате грижа на совест
Лесен, едноставен, сладок рецепт кој вклучува јагоди.
Се подготвува во еден сад и е синоним за совршена ужинка и рецепт. Ќе немате грижа на совест додека ги јадете овие вкусни, здрави колачиња со овесни снегулки и омиленото пролетно овошје – јагодите:
Потребни состојки:
- 1 шолја крупни, овесни снегулки
- ¾ интегрално брашно (или тип 400, зависно од вкусот)
- 1/3 шолја кафеав шеќер
- ¼ лажичка ѓумбир во прав
- ¼ лажичка сол
- 6 лажици стопен, несолен путер
- 2 шолји сечкани јагоди
- 1 лажичка густин (нишесте)
- 1 лажица сок од цеден лимон
- 2 лажички шеќер
За преливот:
- 1/2 шолја шеќер во прав
- 1 лажичка екстракт од ванила
- 1 лажица млеко
Начин на подготовка:
- Загрејте ја рерната на 190ﹾС. Обложете квадратно тавче за печење со хартија и внимавајте таа да ги покрива и рабовите на тавчето.
- Во подлабок сад помешајте ги овесните снегулки, кафеавиот шеќер, ѓумбирот и солта. Додадете го стопениот путер и мешајте додека не добиете изедначена, мазна смеса.
- Од оваа смеса одвојте околу ½ шолја (ќе ви биде потребна подоцна), а останатиот дел натапкајте го во тавчето за печење распоредувајќи го рамномерно.
- Додадете ги половина од сечканите јагоди. Рамномерно распрскајте го нишестето врз нив, потоа сокот од цеден лимон како и 1 лажичка шеќер. Потоа додадете го останатиот дел од јагодите и уште 1 лажичка шеќер.
- Таа ½ шолја од долната смеса која ја тргнавте настрана употребете ја за да го покриете колачот, односно да ја ставите врз јагодите. Но, погрижете се да ѕиркаат јагоди.
- Печете од 35 – 40 минути или додека овошјето не стане воздушесто, а овесните снегулки не добијат златна боја и крцкава текстура. Извадете го колачот и оставете добро да се олади.
- Подгответе го преливот со тоа што ќе го измешајте шеќерот во прав со ванилата и млекото додека не добиете течна и изедначена смеса. Слободно додадете повеќе млеко доколку сметате дека е потребно, ако смесата е прегуста.
- Исечете го колачот на коцки и прелијте ги со сосот.
* Десертот е одличен и без додавањето на преливот што го прави секако поздрав за консумирање. Доколку имате потреба од повеќе слатко, употребете го и преливот.
(О)Милена | Црнобело
Би можело да ве интересира:
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Рецепт за брзи и крцкави банички со месо, од готови кори
Секако дека нема да бидат исти како оригиналните со сукани и домашно подготвени ...
Рецепт за две вкусни крем салати – идеални за претстојните мрсни слави
Доколку славите Митровден или друг празник во периодот до божиќните пости, имаме...
Рецепт за домашна бајадера - кралицата на малите колачи
Некои работи никогаш не излегуваат од мода и се пренесуваат од една генерација н...
Рецепт за крцкави пица-стапчиња, за кои не треба да месите тесто
Наскоро почнува периодот на слави, па овие пица стапчиња можете да ги подготвите...
Рецепт за намаз од варени јајца – кремаст и сочен за мачкање леб
Ако ви останаа многу велигденски јајца, изрендајте ги, додадете неколку состојки...
Препорачуваме
Најчитани неделава
