Рецепт за крцкави, похувани тиквици во рерна - брзи за правење и лесни за јадење
Кога ќе помислиме на похувани тиквички обично мислиме на храна што е полна со мрснотија, но и на нечист шпорет испрскан со масло од пржење. Дополнително, вообичаеното похување тиквички значи и стоење до шпорет по еден час, час и половина.
Ви нудиме еден рецепт за приготвување вкусни, крцкави, тиквички, што не впиваат многу мрснотија, нема да треба да „остарите“ над шпоретот и по приготвувањето нема да се соочите со хаос.
Потребни состојки:
- 2 тиквички со средна големина
- 4 јајца
- 150g рендан пармезан
- 5 лажици сусам
- 5 лажици презла
- 3 лажици брашно
- Сол
- Масло за јадење (околу 2 лажици за еден плех тиквички)
Начин на подготовка:
- Тиквичките треба убаво да се измијат и ги сечеме на кругови. Ги насолуваме и ги оставаме да пуштат вода и ги процедуваме уште еднаш.
- Во друг сад го мешаме брашното, презлата, пармезанот и сусамот.
- Посебно ги матиме јајцата и ги посолуваме. Овие тиквички се подготвуваат со два слоја, а тоа значи дека секоја тиквичка ја потопуваме во масло, во мешавина од брашно и пармезан, па пак во јајца и пак во мешавината од брашно и пармезан.
- Тиквичките се редат на плех обложен со хартија за печење. Дополнително на секоја тиквичка нанесуваме по малку масло.
- Ги печеме во рерна загреана на темепратура од 200 степени околу 20 до 25 минути, или додека не добијат убава златно-жолта боја.
Б. С. Б. | Црнобело
Би можело да ве интересира:
Рецепт за шпагети со кремаст и сочен сос од шери домати, лук и пармезан
Ако сте љубител на паста со лесни, но кремасти и сочни сосови, ова е идеален рец...
Рецепт за крцкави чипс тиквички – печени во рерна со тајна состојка
Направете си го сами омиленото летно мезе, крцкави чипс тиквички од рерна – без ...
Фритата со тиквички и кашкавал - вкусен оброк што се топи во уста
Фритата е вид потпечена кајгана, со додатоци по вкус. Овој пат ви нудиме рецепт ...
Ролат еклер - поинаков начин да го подготвите вашиот омилен десерт
За сите љубители на еклери, денес подготвивме рецепт кој е подеднакво вкусен, а ...
Рецепт за намаз од варени јајца – кремаст и сочен за мачкање леб
Ако ви останаа многу велигденски јајца, изрендајте ги, додадете неколку состојки...
Вкусна пита со боровинки и лимон
Без оглед дали ќе ја правите со свежи или замрзнати боровинки, оваа пита ќе има ...
Препорачуваме
Најчитани неделава
