Рецепт за вкусно летно јадење од нашите баби – Полнети пиперки со сирење и јајца

Се чини дека пиперките и доматите се неизбежни во летниот период во нашата кујна, додадете сирење и леб и подготвени сме за гозба. Ова е еден рецепт за вкусни полнети пиперки со сирење.

Освен што станува збор за вкусно јадење, ова е лесен рецепт за подготвување и може да го направат дури и оние што немаат или имаат минимално искуство во кујната.

Состојки:

• 4 пиперки
• 250g ситно сирење
• 1 јајце
• 0,5 dl кисела павлака
• Малку маслиново масло
• Сол и бибер

Подготовка:

Ја пуштаме рерната да се загрее на 180 степени Целзиусови.

Пиперките ги миеме, ја отстрануваме рачката, ги чистиме семките, а потоа ги сушиме.

Во длабок сад ги мешаме сирењето, павлаката, јајцето и додаваме сол и бибер по вкус.

Пиперките ги полниме со смесата и ги ставаме исправени во претходно премачкан плех со маслиново масло.

Пиперките се печат на 180 степени околу 40 минути или додека сирењето не порумени.

Послужете со свежи домати, маслинки и секако леб.

Б. С. Б. | Црнобело / фото: Freepik/ Depositphotos