Рецепт за крем од варени костени – вкусот на есента
Зад називот crème de marrons се крие традиционален француски намаз од костени, кој едноставно мора да го пробате намачкан на палачинки, парче леб или вкусни кекси.
Потребни состојки:
- 1kg костени
- 250ml вода
- 250g шеќер
- 1 лажица екстракт од ванила
- Малку сол
Подотовка:
- Прво испечете ги костените, па потоа излупете ги.
- Префрлете ги во тенџере, прелијте со 2-3 прста вода и оставете да зовријат. Варете ги 15 минути на тивок оган, со повремено мешање.
- Во друг сад помешајте ја водата со шеќерот и гответе на тивок оган, додека не добиете шербет.
- Костените исцедете ги, ставете ги во бленер и заедно со ¼ од шеќерниот шербет изблендирајте. Може да користите и миксер.
- Сега добиениот крем префрлете го во остатокот од шербетот, додадете прстофат сол и екстрактот од ванила, па варете со постојано мешање додека кремот не се згусне.
- Чувајте го кремот во стаклена тегла, на ладно и суво место.
М. Д. | Црнобело
Би можело да ве интересира:
Рецепт за пилешки шницли во кремаст сос од лимон
Никогаш не одбиваме пилешко месо, што значи дека секогаш сме во потрага по добри...
Пролетна крем салата со краставици – идеална за со велигденски ручек
За време на велигденските празници во изобилство може да се најдат ротквици, мла...
Посен рецепт без масло: Хумус од бел грав со зачини
Без масло, со зачини по желба – хумусот од бел грав може да се консумира како ма...
Препорачуваме
Најчитани неделава
