Два брзи и лесни рецепти кои вреди да ги послужите на посната трпеза за Св. Никола

Редена торта со бисквити и вишни

Потребни состојки:

• 800 g посни бисквити;
• 200 ml сок од портокал за потопување на бисквитите;
• 1,5 l негазиран сок од портокал;
• 6 пудинзи од ванила;
• 300 g посна чоколада за готвење;
• 4 лажици масло за јадење;
• 250 g маргарин;
• 500 g вишни;
• 350 g шеќер;
• 5 лажици шеќер во прав;
• 300 ml посен шлаг за премачкување на тортата;
• Слатко од цреши или вишни за декорација.

Начин на подготовка:

• Во тенџере на оган се загрева 1 l од сокот од портокал на средна температура.
• Во сад на страна се меша 200 ml сок од портокал, 100 g шеќер и 4 пудинзи од ванила. Оваа смеса се додава во сокот од портокал и се вари густ пудинг.
• Пудингот се покрива со хартија за свежа храна и се остава да се олади во целост, а воедно да не добие кора на површината.
• Кога комплетно ќе се излади, филот се мати со миксер и се додава и маргаринот. Филот се мати сè додека во целост не се соединат и двете смеси.
• Во тенџере на оган се ставаат преостанатите 200 ml сок од портокал и се додава преостанатиот шеќер, а во 100 ml сок од портокал се додаваат два пудинзи од ванила и се мешаат.
• Филот се готви сè додека не се соедини во целост, а потоа се остава да се олади.
• Во блендер се става филот и вишните и се мати додека не се добие изедначена смеса.
• Бисквитите се потопуваат во сок од портокал и се редат во голем плех.
• Кога ќе се наредат неколку реда бисквити, истите се премачкуваат со чоколадо и се оставаат во ладилник да се стегнат.
• Потоа врз нив се премачкува еден слој од жолтиот и еден слој од црвениот фил.
• Постапката се повторува сè додека не се потрошат сите состојки (бисквити и филови).
• Тортата се декорира со изматен посен шлаг и слатко од вишни или цреши.
• Доколку не најдете посен шлаг премачкајте ја целата торта со растопена посна чоколада.

Б. С. Б. | Црнобело