Потпечени компири со сланина и растопен пармезан – ручек кој се топи во уста
Станува збор за брз рецепт што може да ви даде идеја за викенд ручек. Компири со сланина и растопен пармезан или кашкавал. Ова е рецепт што сигурно ќе им се допадне на сите членови во семејството.
Доколку немате идеја што да подготвите за ручек овој викенд, погледнете го овој рецепт.
Станува збор за брз ручек, за кој нема да има потреба да потрошите премногу време во кујната, а сигурно ќе им се допадне на сите.
Погледнете како се подготвуваат овие компири во продолжение:
Потребни состојки:
- 750g компири, излупени и исечени на тенки крукчиња;
- 1 кромид, исечкан;
- 400ml павлака за готвење;
- 150ml млеко;
- 2 чешниња лук;
- 1 супена лажица маслиново масло;
- 1 супена лажица сол;
- 1 супена лажица црн бибер;
- 1 супена лажица путер;
- 250g сланина исечкана;
- 125g рендан пармезан.
Начин на подготовка:
- Рерната се загрева на 180 степени Целзиусови.
- Во подлабоко тенџере маслиновото масло се загрева на средна температура и во него се става исечканата сланина да се пропржи околу 5 минути или додека да стане крцкава.
- Се додава путерот и се додава кромидот и лукот.
- Се намалува температурата на ринглата и се остава да се пржат додека кромидот не стане проѕирен.
- Се додава павлаката за готвење и млекото. Се додава сол и бибер и се остава да зоврие.
- Се додаваат исечканите компири и се промешуваат, па се додава и пармезанот.
- Вака подготвените компири се префрлаат во огноотпорен сад за печење со капак. Доколку се печат во истото тенџере во кое се вареле (како во приложеното видео) бидете сигурни дека тенџерето е огноотпорно и нема пластични делови на него.
- Компирите се печат покриени во рерна на температура од 180 степени Целзиусови околу 25 минути, а потоа се вади капакот и се оставаат да се печат откриени уште кратко на истата температура, сè додека не добијат златно-кафеава боја.
Видео рецептот за подготовка можете да го видите ТУКА.
Б. С. Б. | Црнобело
Би можело да ве интересира:
Рецепт за брзи и крцкави банички со месо, од готови кори
Секако дека нема да бидат исти како оригиналните со сукани и домашно подготвени ...
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Рецепт за крцкави пица-стапчиња, за кои не треба да месите тесто
Наскоро почнува периодот на слави, па овие пица стапчиња можете да ги подготвите...
Рецепт за две вкусни крем салати – идеални за претстојните мрсни слави
Доколку славите Митровден или друг празник во периодот до божиќните пости, имаме...
Рецепт за сочен домашен ручек – печено свинско филе со компири
Сигурно се сеќавате на вкусните ручеци кај баба и мирисот од рерна додека се под...
Рецепт за намаз од варени јајца – кремаст и сочен за мачкање леб
Ако ви останаа многу велигденски јајца, изрендајте ги, додадете неколку состојки...
Препорачуваме
Најчитани неделава
