Тајната е во шербетот: Ролат баклава со ореви, цимет и сируп од мед
Баклавата е традиционално јадење на нашите простори, но многумина ја избегнуваат заради големото количество шеќер. Погледнете како да подготвите здрава баклава, која ќе ја прелеете со сируп од мед.
Овие баклава ролнички внатре имаат цимет, мед и ореви, а речиси и да немаат воопшто шеќер. Се подготвуваат мошне лесно, а ќе можете во нив да уживате без грижа на совеста затоа што сте претерале со нездрави шеќери.
Погледнете во продолжение како да ја подготвите оваа здрава баклава.
Потребни состојки:
- 250 g мелени ореви;
- 50 g шеќер;
- 2 чајни лажички цимет во прав;
- 12 листови готови кори;
- 120 g путер;
- 120 g мед;
- 120 ml вода;
- 1 супена лажица сок од лимон.
Начин на подготовка:
- Рерната се загрева на 200 степени Целзиусови. Во подлабок сад се мешаат оревите, шеќерот и циметот.
- Една готова кора се става врз лист хартија за печење и се премачкува со путер.
- Врз неа се става уште една кора и се премачкува со путер. Врз двете кори се става околу 30 грама од филот со ореви, шеќер и цимет.
- Со помош на хартијата за печење се витка долг ролат и се става на претходно премачкан плех за печење.
- Со нож, долгиот ролат се засекува на четири еднакви парчиња.
- Готовите ролати се ставаат да се печат на температура од 200 степени Целзиусови околу 14 до 16 минути, или додека да добијат светло кафеава боја.
- Кога се готови, се вадат од рерна и се остават да се оладат.
- Во тенџере се мешаат медот, водата и сокот од лимон и се ставаат на оган.
- Кога ќе почне да врие сирупот се остава да се вари уште пет минути, а потоа се трга од оган и се остава да се лади 10 минути.
- Баклава ролните се посипуваат со сирупот и се декорираат со остатокот од филот со ореви.
Деталното упатство за подготовка погледнете го во видеото:
This cinnamony treat reminds me of baklava, but with only a few easy ingredients, it's a fraction of the work. —Sue Falk, Warren, Michigan. Get the recipe for Honey Cinnamon Rollups: https://trib.al/uMYHtqAHoney Cinnamon Rollups
Б. С. Б. | Црнобело
Би можело да ве интересира:
Препорачуваме
Најчитани неделава
