Брзо и едноставно мезе: Направете 6 мини-пици од Air Fryer, готови за 15 минути

Ќе добиете екстра крцкаво тесто, а мини пиците можете да ги подготвите доколку сакате да поминете опуштена вечер со членовите од семејството.

brzo-i-ednostavno-napravete-6-mini-pici-od-air-fryer-gotovi-za-15-minuti-01.jpg

Апаратот за готвење со топол воздух е мошне популарен во последно време затоа што ви овозможува за брзо време да подготвите брзи и здрави оброци, а може да се најдат голем број вкусни рецепти што можете да ги подготвите во него.

Од пилешко месо, до чипс, во апаратот за готвење со топол воздух можете да подготвите и мини пици, а за подготовката на секоја мини-пица ќе ви бидат потребни околу 3 минути.

Количините на состојките не се определени, сѐ зависи од тоа колку пици сакате да подготвите и какви состојки имате во моментот.

Потребни состојки:

Готово тесто за пица;
Сос од домати;
Парчиња кулен (или друго сувомеснато по ваш избор);
Рендан кашкавал.

Начин на подготовка:

Апаратот за готвење со топол воздух се загрева на 200 степени Целзиусови;
Готовото тесто за пица се става на набрашнета површина и со сукало се истегнува до дебелина од околу 5mm;
Со чаша или со друг сад, се одвојуваат кругови во согласност со големината на кошницата на вашиот Air Fryer (пицата треба да биде на средина и да има простор од околу);
Кошницата на апаратот за готвење со топол воздух се прска со масло во распрскувач и внатре се става подготвената мини пица;
Со виљушка се прават повеќе дупчиња на тестото за подобро да се испече внатре;
Тестото се пече околу 1 минута од едната страна, а потоа се превртува и се пече дополнителни 30 секунди од другата страна;
Постапката се повторува со сите кругови што сте ги направиле од готовото тесто за пица;
Потпеченото тесто се премачкува со доматен сос, му се додава кулен (или друго сувомеснат производ по ваш вкус) и на крај се става рендан кашкавал;
Вака подготвената пица се пече на температура од 190 степени Целзиусови од 1 до 3 минути или додека кашкавалот не се стопи (слободно можете да ја отворите корпата и да проверите).

brzo-i-ednostavno-napravete-6-mini-pici-od-air-fryer-gotovi-za-15-minuti-05.jpg

Б. С. Б. | Црнобело

Би можело да ве интересира:

Мини палачинки во форма на цвет, со јагоди и банани - децата ќе ги обожаваат Ако сакате да им подготвите појадок на децата кој ќе го обожаваат, направете им ...

3 посни рецепти без масло - вкусни јадења за божиќниот пост Брза пита од компири и праз, мусака со печурки, чорба со зелка - овие три рецепт...

Летен чоколаден колач – се прави во тава, нема печење и нема шанси да не ви се погоди Во летниот период, кога не ви се поминува многу време во кујна – само измешајте ...

Здрав посен десерт готов за 10 минути – кога ќе кризирате за благо Додека постите, ако закризирате за нешто благо, ви требаат само три состојки за ...