Како се подготвува грчката салата по традиционален рецепт?

Иако многумина сметаат дека во салата со домати не се додава оцет, традиционалната грчка салата се подготвува со вински оцет. Како да ја подготвите сами?

Грчка или шопска? Велат дека двете салати се многу слични, но сепак има некои разлики, а најзабележителна е сирењето - во едната е рендано, во другата на парчиња.

Како да подготвите грчка салата по традиционален рецепт?

Потребни состојки:

• 2-3 зрели домати;
• 1 краставица;
• ½ кромид;
• ½ зелена пиперка (бабура);
• 5-6 црни каламата маслинки;
• 1 парче фета сирење;
• Суво оригано;
• Вински оцет;
• Сол.

Начин на подготовка:

• Доматите се сечат на крупни парчиња (но, не на коцки);
• Краставицата се лупи и се сече на подебели кругчиња што потоа се делат на половина или не мора;
• Кромидот и зелената пиперка се сечкаат на кругови;
• Во длабок сад се ставаат доматите и краставиците и се мешаат, па се додава исечканиот кромид и пиперка;
• Се додаваат маслинки и се зачинува со сол и оригано и се додава маслиново масло и вински оцет (во размер 2:1, не треба да штедите на маслиново масло, но салатата не треба да плива во него);
• На врвот се додава парче фета што се прелева со маслиново масло и се зачинува со оригано.

 

Б. С. Б. | Црнобело