Домашен бурек со месо за 15 минути - најгледаниот рецепт на Dave’s Kitchen со 100.000 прегледи
Како да подготвите бурек во домашни услови и тоа со готови кори, а не со тегнети? Давор Панчевски познат како Dave’s Kitchen го има вистинскиот рецепт за вас - се прави за 15 минути, крцкав како од пекара, а видеото има веќе 100.000 прегледи.
Видео рецептот за домашен бурек на YouTube е прегледан над 100.000 пати, а дел од оние што го пробале велат дека ова е одличен рецепт и дека им се допаѓа конечниот резултат.
„Пробан, преубаво излегува, фала за рецептот“, „Супер изгледа“, „Ова мора да се проба“ – стои во дел од коментарите.
Погледнете го во продолжение рецептот на Давор:
Потребни состојки
- 500g готови кори
- 200ml минерална вода
- 100ml масло за јадење
- 1 пакетче прашок за печиво
- 500g мелено месо
- 1 средна главица кромид, ситно исечкана
- 1 лажичка мешан сув зеленчук
- 2 лажици масло за јадење
- сол и мелен црн пипер по вкус
Начин на подготовка:
- Најпрво подгответе ја тавата во која ќе го подготвите бурекот. Земете округла тава број 32 и премачкајте ја со масло за јадење;
- Во сад на страна промешајте ги минералната вода, маслото за јадење и прашокот за печиво;
- Во тава на загреано масло започнете да го пржите ситно исечканиот кромид. Додајте го меленото месо и гответе 2-3 минути на средна температура. Додајте го мешаниот сув зеленчук и зачинете со сол и мелен црн пипер по вкус. Гответе околу 10 минути додека месото не биде комплетно зготвено;
- Земете две кори и ставете ги во претходно подготвеното тавче, така што краевите ќе висат надвор од тавата;
- Пропрскајте со течноста од минерална вода и масло. Земете три-четири кори, стуткајте ги и ставете ги во средишниот дел од тавата. Пропрскајте со течноста и нанесете од филот со мелено месо. Повторно стуткајте три-четири кори, ставете ги во средишниот дел и пропрскајте со течноста. Нанесете од филот и повторете се додека не ви останат две кори;
- Поклопете го цело тавче со последните две кори, оставајќи ги краевите да висат надвор од тавчето;
- Превиткајте ги долните и горните краеви навнатре и полејте со преостанатата течност;
- Печете во загреана рерна на 190 степени околу 30-40 минути, или додека не добие убава златно кафена боја;
- Оставете бурекот малку да се излади, а потоа пресечете парчиња и послужете со шолја јогурт.
Видео упатство:
Б. С. Б. | Црнобело
Би можело да ве интересира:
Рецепт за брзи и крцкави банички со месо, од готови кори
Секако дека нема да бидат исти како оригиналните со сукани и домашно подготвени ...
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Рецепт за намаз од варени јајца – кремаст и сочен за мачкање леб
Ако ви останаа многу велигденски јајца, изрендајте ги, додадете неколку состојки...
Рецепт за крцкави пица-стапчиња, за кои не треба да месите тесто
Наскоро почнува периодот на слави, па овие пица стапчиња можете да ги подготвите...
Рецепт за две вкусни крем салати – идеални за претстојните мрсни слави
Доколку славите Митровден или друг празник во периодот до божиќните пости, имаме...
Рецепт за сочен домашен ручек – печено свинско филе со компири
Сигурно се сеќавате на вкусните ручеци кај баба и мирисот од рерна додека се под...
Препорачуваме
Најчитани неделава
