Домашен специјалитет: Направете топено сирење и послужете со топол крцкав леб
Ако сте од оние кои секогаш нарачуваат топено сирење во кафеана и макаат до последно залче, зошто да не пробате да си го направите дома овој специјалитет?
Топеното сирење може да кажеме дека е специјалитет на нашата македонска кујна, а може да се најде во менито на речиси секоја кафеана.
Најмногу го нарачуваме како мезе и предјадење и не можеме да одолееме на макањето со топол леб додека не снема.
Ако и вие припаѓате во оваа група, време е да пробате да си го направите сами дома, а може да го збогатите рецептот со состојки по ваш вкус.
Потребни состојки:
- 600g фета сирење, разгмечено
- 100g тврдо сирење (овчо, мешано), рендано
- 100g кашкавал (гауда или ајдамер, по желба), рендано
- 2-3 лажици доматен сос
- Оригано
За бешамел:
- 60g путер
- 3 лажици брашно
- ½ l млеко
Начин на подготовка:
- Прво подгответе го бешамелот во тава. Растопете го путерот и додадете го брашното, па мешајте додека не добиете златеста боја но внимавајте да не ви загори. Веднаш потоа додадете го млекото и гответе и мешајте додека не добиете соединета, густа смеса.
- Во керамички сад за печење (со средна големина), ставете го разгмеченото фета сирење такашто ќе го покриете дното.
- Додадете малку доматен сос и оригано, па прелијте со половина од бешамел сосот.
- Врз сосот додадете го цело изрендано сирење и поголемиот дел од кашкавалот (од кашкавалот оставете малку на страна за последниот слој).
- Повторно прелијте со преостанатиот бешамел сос, а најгоре додадете го преостанатиот кашкавал и доматен сос.
- Печете на 200°С додека сирењата и кашкавалот не се стопат, а горниот слој не добие убава боја.
- Послужете со топол крцкав леб, фурнарини или чипс, по желба.
М. М. | Црнобело / фото: depositphotos.com
Би можело да ве интересира:
Домашен ручек за почетници: Рецепт за ориз и пилешки копани во рерна
Ако не сте вешти во кујна, а сакате домашен ручек, овој рецепт ќе ви заврши рабо...
Домашен хумус од модар патлиџан, одличен за деновите кога постите
Почнаа Богородичните пости, па бидејќи е сезоната на модри патлиџани, ви нудиме ...
Домашен крцкав бурек во тавче - се прави со растурени кори, полнет со сочен фил
Ако ви се јаде бурек, а дома имате готови кори за пита, можете сами да си ја под...
Домашен мармалад од кајсии, по рецепт на мајка ми – направивме 5 тегли во еден ден, во стан
Кога бевме помали, баба ми го правеше најубавиот мармалад од кајсии, а сега мајк...
Лесно мезе: Крцкави „такоси“ од модри домати со крем сирење
Нов начин како да направите летно мезе со модри домати, кое е вкусно, а во исто ...
Рецепт за намаз од варени јајца – кремаст и сочен за мачкање леб
Ако ви останаа многу велигденски јајца, изрендајте ги, додадете неколку состојки...
Препорачуваме
Најчитани неделава
