Француска свилена пита – лесен рецепт за љубители на чоколадни десерти
Има богата и луксузна текстура, која лизга низ устата и грлото како мазна свила - никој нема да остане рамнодушен на највкусната пита со чоколаден мус.
Рецептот всушност не потекнува од Франција, туку од Америка, а името го добил заради меката текстура која е мазна како свила и лизга низ грло.
За сите љубители на чоколадни десерти, ова ќе биде една од најубавите пити со незаборавен вкус и изглед.
Се служи ладен, а нема таков што нема да посака второ парче.
Потребни состојки:
За подлогата:
- 200g чајни бисквити
- 85g путер
За фил:
- 200g шеќер
- 170g омекнат путер
- 85g темно чоколадо
- 3 јајца
- 2 лажици француски ликер Grand Marnier (или заменски, со вкус на портокал)
- Шлаг за украсување
Начин на подготовка:
- Загрејте ја рерната на 170°С.
- Сомелете ги бисквитите во фин прав и измешајте ги со путерот додека не добиете влажна смеса.
- Втиснете ја со прсти смесата во плех/калап за печење.
- Печете од 10-12 минути, па извадете ја и оставете целосно да се излади.
- Додека се лади подлогата, стопете го чоколадото во микробранова печка или на пареа.
- Во друг сад, со миксер измешајте ги омекнатиот путер и шеќерот во мазна крем смеса. Ќе ви требаат околу 3 минути.
- Додадете го растопеното чоколадо и ликерот во смесата од путер.
- Постепено додавајте јајца, едно по едно и миксирајте додека не добиете хомогена, мазна крем-смеса.
- Премачкајте врз оладената подлога и ставете во фрижидер 3-4 часа да се лади.
- Над оладената пита ставете шлаг и по желба украсете со парчиња чоколадо.
М. М. | Црнобело / фото: depositphotos.com
Би можело да ве интересира:
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Рецепт за брзи и крцкави банички со месо, од готови кори
Секако дека нема да бидат исти како оригиналните со сукани и домашно подготвени ...
Рецепт за две вкусни крем салати – идеални за претстојните мрсни слави
Доколку славите Митровден или друг празник во периодот до божиќните пости, имаме...
Рецепт за крцкави пица-стапчиња, за кои не треба да месите тесто
Наскоро почнува периодот на слави, па овие пица стапчиња можете да ги подготвите...
Рецепт за сочен домашен ручек – печено свинско филе со компири
Сигурно се сеќавате на вкусните ручеци кај баба и мирисот од рерна додека се под...
Рецепт за намаз од варени јајца – кремаст и сочен за мачкање леб
Ако ви останаа многу велигденски јајца, изрендајте ги, додадете неколку состојки...
Препорачуваме
Најчитани неделава
