Викенд десерт: Сутлијаш со пудинг од ванила

Дали сакате сутлијаш? Ова е модерна верзија на традиционалниот рецепт, на која никој нема да одолее.

Сите сакаат пудинг и сутлијаш, а овој рецепт ви овозможува да направите совршен спој од двата вкуса.

Ваков пудинг може да подготват дури и оние што се почетници во кујната, доволно е само да се следат детално приложените упатства.

Потребни состојки:

• 150g ориз;
• 400ml вода;
• 1l млеко;
• 1 ќесичка пудинг;
• 150g шеќер;
• 1 ќесичка ванила шеќер;
• Какао или цимет за декорација.

Начин на подготовка:

Оризот претходно се мие и се става да се вари во тенџере во вода, на тивок оган;

Додека оризот се вари во чинија се меша ќесичка пудинг со малку млеко (како што е наведено во упатството на амбалажата);

Кога оризот ќе ја впие целата вода се додава остатокот од млекото во тенџерето, шеќерот и ванилин шеќер и по ова е потребно смесата постојано да се меша додека се вари  за да не загори;

Кога ќе зоврие млекото се додава и размешаниот пудинг со млеко и се вари уште 5 минути;

Готовиот пудинг се сервира во навлажнети садови и се декорира со како или цимет по вкус.

 

 Б. С. Б. | Црнобело