Храна што без проблем можете да ја чувате во замрзнувач (и како правилно да ја одмрзнете)

Лебот и путерот се намирници кои слободно можете да ги чувате во замрзнувач, и со тоа да им го продолжите рокот и за неколку месеци.

Некои видови храна без проблем можете да ги чувате во замрзнувач. Она што е важно е правилно да ја складирате храната и да знаете како да ја одмрзнете.

Намирници што можете да ги чувате во замрзнувач (и како правилно да ги одмрзнете):

Торти

Без разлика за каква торта станува збор, без проблем можете да ја чувате во фрижидер.

Пред да ја замрзнете, ставете ја во сад, завиткајте го садот со пластична фолија, а на крај со алуминиумска.

Ако ја ставите само во сад, постои можност внатре да се појави мраз и да го расипе вкусот на тортата.

Кога ќе сакате да ја јадете, најдобро е да ја оставите да се размрзне во фрижидер. На овој начин нема да ја изгуби формата, а и нема да почнат да се развиваат бактерии ако времето е топло.

Леб

Исто како тортите, и лебот треба да го ставите во сад завиткан со алуминиумска и пластична фолија.

На овој начин можете да го чувате во фрижидер и до шест месеци.

Потоа можете да го размрзнете во рерна.

Пченично брашно

Пченичното брашно може да ви трае и до две години во замрзнувач.

Всушност, во летните денови е дури и подобро да го чувате брашното во замрзнувач.

За да го замрзнете, ставете го пластична кеса и истиснете што е можно повеќе воздух од неа. Подврзете ја кесата и ставете ја во добро затворен сад.

Кога ќе сакате да го користите, истурете го во сад и почекајте да достигне собна температура (околу 30 минути).

Путер

Целата амбалажа путер ставете ја во пластична кеса и подврзете ја, па ставете ја во замрзнувач.

На овој начин путерот ќе ви трае и до четири месеци.

Кога сакате да го користите, оставете го на собна температура. Важно е да знаете дека е сосема нормално и да пушти малку вода додека се одмрзнува.

Салата

Салатата од марула и сличен лиснат зеленчук можете да ја чувате во замрзнувач.

Ставете ја во пластична кеса и целосно истиснете го воздухот, или ставете ја во добро затворен сад.

Не заборавајте да ставите и датум кога сте ја замрзнале и искористете ја во рок од шест месеци.

За да ја размрзнете, оставете ја на собна температура.

Тестенини

Пред да ги замрзнете тестенините, важно е да бидат изладени.

Потоа ставете ги во добро затворен сад и ставете ги во замрзнувач.

Можете да ги размрзнете во рерна, но и во тенџере.

Кромид

Пред да го замрзнете, исечете го кромидот на поголеми парчиња и ставете го во пластична кеса или добро затворен сад. Ако го ставате во кеса, целосно истиснете го воздухот.

Потоа директно ставете го во тава.

Спирова С. | Црнобело