10 Начини како да го забрзате готвењето

Ако често ви се случува да посегнувате по брза храна токму поради тоа што немате доволно време да зготвите ништо, тогаш овие совети сигурно ќе ви бидат добредојдени.

Планирајте однапред што ќе зготвите, а остатокот е само добра организација која ќе ви заштеди време.

Повеќе времето нема да ви биде изговор:

1. Започнете со греењето. Пред да почнете со што било друго, прво вклучете ја рерната или ставете ја водата да зоврие. Времето на чекање ќе се намали, а со тоа вашиот ручек ќе биде подготвен за побрзо време од досега.

2. Користете кујнски ножици за побрзо да го исечкате зеленчукот директно во тавчето или тенџерето.

3. Сите намирници ставете ги во цедалка и измијте ги под ладна вода. Во текот на готвењето, мијте го остатокот од зеленчукот по потреба.

4. Оние намирници кои можете да ги готвите исечкани, сечкајте ги колку што можете поситно, бидејќи побрзо ќе се зготват.

5. Готвите густа супа од зеленчук? Наместо да го сечкате, изрендајте го зеленчукот и супата ќе ви биде готова за помалку од 10 минути.

6. Еден сендвич ќе направите многу побрзо од четири. Земете француско лепче, пресечете го на пола, наредете го, а потоа исечкајте го на помали делови.

7. Користете замрзнат зеленчук. Одличен е како додаток на оризот во рерна, за во супа или било кое друго јадење.

8. Освен ако не печете нешто што мора да се стави на висока температура, не мора да чекате рерната да ја достигне одредената температура.

9. Правете повеќе храна од она што ви е потребно, па така следниот ден ќе имате готов ручек или вечера, а ќе заштедите време.

10. Чистете додека готвите. Сите остатоци од готвењето веднаш фрлајте ги во кантата за отпадоци, а чиниите мијте ги додека храната се готви.