Победете го апетитот со здрави грицки

Грицкањето помеѓу оброците често е најголемиот виновник за појавата на вишок килограми кај луѓето, а доколку се обидувате да ослабете тогаш започнете да го грицкате следново...

Секој предлог содржи од 150 до 200 калории, а освен што ќе ве однесе до витко тело туку и ќе ви го зачува здравјето.

Павлака со малини

Комбинацијата на павлака и малини добро ќе ве засити и одлично ќе влијае врз вашето здравје. Павлаката содржи протеини кои се добри за мускулите, а малините се богати со витамин Ц, кој пак го забрзува согорувањето на маснотиите во организмот.

Ореви и грозје

Овие вкусни намирници ќе ви ја задоволат желбата за храна и на организмот ќе му обезбедат хранливи материи. Грозјето содржи шеќер кој ја дава потребната енергија, а со оревите ќе внесете протеини и здрави маснотии.

Бисквити од житарки и сирење

Грицкајте крекери или бисквити кои се направени од житарки, а за уште подобро уживање пресечете си неколку парчиња на сирење.

Овесна каша со боровинки

Оваа вкусна комбинација не е резервирана само за утринските часови, туку е одлична за секој дел од денот. Таа е одлична ужина за сите кои се обидуваат да ослабат, а боровинките ја прават кашата вкусна.

Банана и путер од кикирики

Двете намирници содржат состојки кои даваат енергија за целиот ден, а вас брзо ќе ве заситат и ќе ви го задоволат зголемениот апетит.