Како да испржите крцкав и сочен помфрит?

Речиси и да нема поомилен додаток во некој оброк од помфритот. Некогаш не е ниту потребно главно јадење, кога помфритот може да биде одлично мезе.

Единствено што треба да погодите е да биде однадвор крцкав, однатре сочен. Но, тоа е и тајната на големите мајстори.

Земете неколку поголеми компири, измијте ги и излупете ги. Потоа со остар нож исечкајте ги на прави, тенки стапчиња.

На страна во еден подлабок сад ставете ладна вода и исечканиот компир ставајте го во него, за да не се исуши и да не оксидира. Оставете го да отстои околу 5 минути, за да се ослободи од вишокот скроб.

Извадете го компирот и префрлете го во друг сад, а оној во кој беше водата измијте го и наполнете го со зовриена вода, па додајте пченкарен сируп. Во таа вода варете го компирот и оставете го компирот околу 10 минути.

Извадете го и ставете го на чиста крпа за да се исуши. Потоа, ставете го во фрижидер околу 20 минути.

На ред е пржењето. Најдобро би било да користите фритеза, но може и подлабока тава со поголемо количество загреано масло. Помфритот пржете го двапати. Првиот пат ставете го во фритезата или тавата на 2 минути.

Извадете го и оставете го да отстои на чинија со салфетка околу 10 минути, за малку да се излади. Потоа вратете го во фритезата или тавата и пржете го околу 5-7 минути. Помфритот е готов, крцкав и сочен.

За уште подобар вкус може да му додадете и зачини или да го јадете со некој вкусен сос.