Зошто не треба да ја фрлате водата во која ги варите тестенините?

Баш како и оризовата вода, така и водата во која се вареле тестенините си има свои предности. Само овој пат тие се повкусни, наместо здрави.

Чудесната вода од тестенини може да ви помогне да го финиширате јадењето со фантастичен крем или сос.

Сигурно многу пати додека сте јаделе тестенини во ресторан се прашувате како преливот е толку кремаст, а тестенините сочни, кога вас дома никогаш не ви излегува така.

Заборавате еден клучен момент - до сега секогаш сте ја фрлале тајната состојка.

Професионалните готвачи знаат дека малку од густата и заматена вода во која се вареле тестенините може да го подобри вкусот на целиот рецепт. Таа вода содржи скроб, па со самото тоа може да го згусне сосот и да му даде кремаста текстура.

Потребно е да имате на ум дека водата мора да биде солена и да се додаде на крајот од подготовката на сосот. Плус, ставете половина од мерката за сол од вообичаено.