Зошто не треба да ставате лимон во пијачката?

Без разлика дали станува збор за парчиња лимон кои лебдат во бокал вода, исецкан зелен лимон во вашето мохито или парче портокал на врвот од вашата стаклена чаша полна со сангрија, вака ставените цитрусни парчиња овошје во вашата чаша може да бидат навистина голема опасност за самиот организам.

Верувале или не, дури 70% од испитуваните примероци цитрусно овошје во 21 ресторан во Њујорк покажале позитивен микробен раст. Според истражувачите, микробите пронајдени на примероците од лимонот имале потенцијал да предизвикаат заразни болести.

Според универзитетскиот професор Филип Тиеро, ваквата појава на бактерии е поради тоа што овошјето се обработува извесен период пред да биде послужено, односно истото е исецкано неколку часа пред да заврши во вашиот пијалак.

Друга причина е тоа што хигиената помеѓу персоналот во локалите не е секогаш на завидно ниво, и тоа како поедици/консумери не можеме да го контролираме.

Иако многумина се потпираат на теоријата дека алкохолот може да ги убие сите бактерии во вашата пијачка, професорот Филип не се согласува со тоа. Имено тој нагласува дека само чистиот алкохол може да убие и тоа одредени бактерии, но не и вируси кои можат да се пренесат на истиот начин.

Препорака на Филип е да побарате парчињата лимон да бидат послужени настрана од пијалокот, така самите ќе можете да исцедите лимонов сок во пијачката без да ја мешате кората во целата комбинација.

Па, дали сте за една вотка-лимон!? Не би рекле...

С. У. | Црнобело