Корисни трикови: Како никогаш повеќе да не фрлате храна?

Остатоците од храна искористете ги за пица

Ви останал малку кечап, неколку печурки, домат, зеленчук, маслинки и други зеленчуци?

Одлично, купете готово пица тесто и имате ручек – ќе поминете многу поевтино и плус ќе ги искористите сите намирници без ништо да фрлите.

Од остатоците од зеленчук можете да направите вкусен ручек

Ако видите дека зеленчукот полека почнува да скапува и нема долго да издржи, измешајте сè во тава, ставете малку маслиново масло, зачини и испечете си здрав и вкусен ручек.

Замрзнете билки за додаток во храната

Ова можете да го правите и со остаток од сосови или да ставите билки во калап за мраз, да истурите малку маслиново масло и да ги замрзнете.

Така, ќе можете во секое време да ставите по една-две коцки во ручекот и да добиете одличен вкус во јадењето.

Направете доматен сос од презреаните домати

Ако забележите дека доматите почнуваат да омекнуваат, не ги фрлајте. Излупете ги и сварете ги 10-тина минути, а потоа изблендирајте ја смесата и додадете лук и други зачини по избор.

Вратете ја смесата во тавче и гответе уште 5-7 минути. Ќе добиете превкусен сос.

Замрзнете ги виршлите, колбасите, сланината и сл. за подолго да останат свежи

Ако имате купено повеќе месни производи, не ризикувајте да се расипат и да ги фрлите.

Замрзнете поголем дел од нив и чувајте ги за кога ќе ви требаат едно по едно.

 M. M. | Црнобело