Луѓето што јадат месо имаат подобро здравје и квалитет на живот од вегетаријанците

Кај вегетаријанците има поголема појава на рак, астма, алергии и други здравствени проблеми, тврди едно австриско истражување.

Едно контроверзно истражување откри дека вегетаријанците имаат полошо здравје и полош квалитет на живот од луѓето што јадат месо.

И покрај практиката да пијат помалку, да пушат помалку и да водат поздрав живот, тие имаат зголемен ризик од рак, алергии и проблеми со менталното здравје, како депресија и анксиозност.

Истражувањето спроведено на Медицинскиот универзитет во Грац, Австрија дојде до овој заклучок. Иако вегетаријанците кои имаат пониско ниво на холестерол и заситени масти во крвта поради зголеменото внесување на овошје, зеленчук и производи од цели зрна, резултатите не се во нивна полза.

Во истражувањето учествувале 1.320 испитаници од кои дел вегетаријанци, дел кои консумирале малку месо многу овошје и зеленчук и дел кои консумирале многу месо, помалку овошје и зеленчук.

Учесниците кои јаделе помалку месо имале полоши здравствени навики, како што се неправење на редовни превентивни прегледи на доктор, примање вакцини итн.

„Нашето истражување покажа дека вегетаријанците имаат поголеми проблеми со здравјето како што се ракот, астмата, алергиите и менталните проблеми, полош квалитет на живот и почесто завршуваат на доктор поради здравствени проблеми“, заклучија истражувачите.

Некои луѓе ова австриско истражување го прогласија за начин да се изрекламира месната индустрија.

На ова Натали Буркерт, која стои на чело на тимот истражувачи, вели дека тие не гарантираат дека консумацијата на месо го подобрува здравјето, туку само ги презентираат резултатите до кои дошле и дека се потребни и понатамошни истражувања за да се дојде до конкретни одговори на одредени прашања.

С. С. | Црнобело