15 начини како да се храните поздраво, а поевтино

Ако внимателно ја разгледате внатрешноста на кесите со кои редовно излегувате од маркет, и потоа ја погледнете сметката, ќе сфатите само едно – давате еден куп пари за нездрава и брза храна.

Доколку и вие спаѓате во групата на луѓе кои тврдат дека за здрава исхрана требаат многу повеќе пари – ве побиваме низ 20 потточки.

Со помош на овие насоки од денес почнете да се храните поздраво и да плаќате помалку:

1. Свежите овошја и зеленчуци купувајте ги на пазар, не спакувани во маркет.

2. Научете дека како купувач имате одредени права и доколку ви биде „подметната“ храна со поминат рок или понизок квалитет, не се плашете да ја вратите.

3. Бидете паметни кога купувате месо. На пример, многу е поевтино да купите цело пиле, отколку само одредени делови.

4. Обрнете внимание на храната со рок кој изминува. 1-2 дена пред истекот на рокот, маркетите ја ставаат оваа храна на 50% попуст.

5. Проверете ја тежината, не „паѓајте“ на амбалажата. Многупати големината на амбалажата може да прелаже, па наместо 1 литар течност, да добиете 900ml за иста цена.

6. Купувајте и подготвувајте количина која сте сигурни дека ќе ја изедете. На пример, ако готвите за двајца, не ги варете сите тестенини.

7. Растете си зеленчуци кои може да се одгледуваат во саксија на тераса или во двор.

8. Држете ред во фрижидерот и чувајте ги сите кашкавали, салами и сосови во соодветни пластични кутии и садови.

9. Не мора да јадете месо трипати во неделата. Некогаш заменете го месото со мешунки.

10. Печете, наместо да пржите. Така го намалувате трошокот за масло и го намалувате неговото консумирање.

11. Заменете ги кесичките чај со свежо набран, сушен чај.

12. Не ги фрлајте остатоците во теглата од мајонез. Додадете малку балсамико и зачини и промешајте. Добивате супер дресинг за салата.

13. Трудете се да не фрлате храна. Стариот леб ставете го на тостер, остатоците од кашкавалот и саламата испечете ги на пица, со остатокот од јогуртот направете тесто...

14. Купувајте житарки од цели зрна. Поздрави се и поевтини, отколку оние со додадени засладувачи и ароми.

15. Одредени продукти може да ги замрзнете дури и откако се зготвени. На пример, паста, леб, варен ориз, пире...

М. Д. | Црнобело