Зошто треба да ја извадите лубеницата од фрижидер?

Ако и вие обожавате да јадете ладна лубеница директно од фрижидер, изгледа дека многу грешите.

Како што велат стручњаците, лубеницата треба да се чува на собна температура, а не во фрижидер.

На собна температура ќе ги сочува сите хранливи и здрави состојки со кои изобилува. Кога е ладна, губи голем процент од витамините и хранливи материи.

Уште една работа која научниците ја откриле е дека лубеницата продолжува да произведува витамини и хранливи материи дури и откако ќе биде обрана, но повторно – само ако е на собна температура.

Кога ќе ја ставиме во фрижидер, тој процес значајно се забавува.

Лубениците кои се чувани во просек на 21 степен, имаат околу 40% повеќе ликопен и од 50 до 139 проценти повеќе бета каротен, за разлика од лубениците кои се чуваат на температура помеѓу 5 и 12 степени.

М. Д. | Црнобело