5 грешки кои ги правиме кога нарачуваме вино

Нема ништо поубаво од чаша вино комбинирана со вкусна храна. Неодоливо задоволство за сите сетила.

Кои се грешките кои најчесто ги правиме кога одлучуваме какво вино да пиеме во ресторан/кафана?

1. Нарачувате прво вино, а потоа храна.

Во рестораните најчесто келнерите доаѓаат да порачате прво пијалак, па потоа храна. Но, би требало да е обратно. Прво се одбира храната, па потоа соодветното вино.

2. Сепак, не дозволувајте да се залажете.

Рибата и морските плодови не мора да се комбинираат само со бело вино.

Вистинa е дека со светло месо, риба и бели сосови оди бело вино, но и некои од црвените вина со пониско ниво на танин исто така може да се комбинираат со некои типови риба – пример скуша и лосос.

3. Често го „преоптеретувате“ непцето.

Ако пиете вино со висок процент на алкохол и танини, тоа е како да го „силувате“ вашето непце. Овие вина се одлични, но имаат тенденција да бидат доста јаки и да влијаат на уживањето во оброкот.

Затоа треба да се пијат во помала количина.

4. Нарачувате исто шише/чаша вино два пати.

Нарачавте еден тип вино за предјадењето и ви се допадна. Ова не значи дека ќе биде добро и со главното јадење. Испробајте нешто ново. Побарајте препорака од келнерот.

5. Не дозволувајте да ве разубедат.

Ако веќе сте објасниле на келнерот или сомелиерот дека не сакате црвено вино, а тој и понатаму инсистира да пробате – не му дозволувајте да „победи“. Вие сте тие кои треба да уживате во оброкот.

Прочитајте и какво вино со каква храна е најдобро да се комбинира. 

Е. П. | Црнобело