3 намирници кои ве штитат од настинки – Како да ги споите во еден појадок?
Лекот против настинките не секогаш мора да има лош вкус. Напротив, овие 3 состојки ќе ви создадат совршен појадок секој ден и ќе ве заштитат од растечениот нос и омалаксаноста.
Не се работи за лимон, ѓумбир и слични здрави, кои за многумина важат за не толку вкусни комбинации, туку за 3 кои веќе сигурно ги имате дома:
Овесни снегулки
За зајакнување на одбраната на организмот е важен цинкот, а овесните снегулки се богати со него. Во 100 грама овесни снегулки има 4,5 грама цинк.
Темно чоколадо
Ова е вест која дефинитивно ќе ве израдува – едно британско истражување открило дека темното чоколадо помага при олеснувањето на кашлицата. Колку е чоколадото потемно – толку подобро.
Портокали
При настинка треба да внесувате дупло повеќе витамин Ц од вообичаено, бидејќи така го зајакнувате имунитетот. А, овој витамин најмногу го има во цитрусните овошја.
Како да ги споите овие 3 состојки во вкусен секојдневен појадок кој во есента ќе ве заштити од настинките и намалениот имунитет?
Потребно ви е:
- 200ml млеко
- 50g меки овесни снегулки
- 15g темно чоколадо со над 70% какао
- Половина портокал
Подготовка:
- Загрејте го млекото, додадете ги овесните снегулки и мешајте додека не ја добиете посакуваната густина.
- Во меѓувреме, исечкајте го ситно црното чоколадо, а портокалот може или да го исцедите па да го додадете како сок, или да го исечете на коцки и да го ставите во кашата.
М. Д. | Црнобело
Би можело да ве интересира:
Препорачуваме
Најчитани неделава
