Што да јадете додека сте позитивни на ковид и по прележување?

Кога корона вирусот ќе го нападне организмот, најдобро е силата да си ја вратите преку соодветна исхрана.

При закрепнување од ковид, најважно е да ги слушате советите на лекарите и ако прележувате во домашни услови, повеќе да одмарате и да ја прилагодите исхраната.

Болката во грлото можете да ја намалите со редовно пиење чај или друг топол пијалак кој ќе го олесни овој симптом. Хидратацијата е особено значајна и за оние кои ќе имаат мачнини со цревата и стомакот, како и болка во мускулите или температура.

Мачнината и затнатиот нос, како и нагонот за повраќање, можат да се намалат со вода, сокови и вода со лимон и мед.

Обично заболените од ковид немаат голем апетит, па најдобро е да се задржат на мека храна и едноставни јадења како чорби, супи, сварено млеко, јогурт, печено пилешко, јајца, во мали количини.

Пациентот не смее да гладува, односно препорачливо е да внесува намирници богати со протеини, како грав или леќа.

Природните извори на витамини исто така се препорачуваат, односно масната риба и печурките поради витаминот Д, цитрусните овошја и киселата зелка поради витаминот Ц и пробиотските дејства.

М. Д. | Црнобело