Едноставни совети со кои ќе ги претворите готовите смеси за торти во вистински специјалитет

Заменето го маслото со путер, додајте јајце плус и наместо вода, ставете млеко.

Готовите смеси за торти, колачи и слични десерти се генијален изум. За да направите ваков десерт, не треба да сте никаков експерт во кујна и доволно е само внимателно да ги следите инструкциите на кутијата.

Најчесто треба само да додадете уште јајца и вода, да ја измешате смесата и да ја ставите да се пече.

Овие десерти се вкусни и сами по себе, но знаевте ли дека можете драстично да им го подобрите вкусот со само неколку едноставни трикови?

Сиднеј Крамер е искусен готвач кој специјализирал за правење десерти, а за Insider споделува неколку едноставни совети со кои ќе ги направите десертите од готовите смеси уште повкусни.

Неговите совети во продолжение:

Користете растопен путер наместо масло

Ако во смесата треба да додадете масло, Сиднеј советува да го замените со иста количина растопен (несолен) путер, бидејќи оваа состојка може драстично да го подобри вкусот.

Додајте јајце плус

Ако во смесата треба да додадете јајце, Сиднеј вели дека слободно можете да ставете уште едно плус. На овој начин десертот ќе биде многу посочен.

За уште побогат вкус, можете да додадете и плус уште една жолчка.

Користете млеко наместо вода

Наместо вода, во смесата додајте исто количество млеко – млекото ќе му даде на десертот побогат вкус.

За „тропски“ вкус, можете да додадете и кокосово млеко.

За посебни пригоди, сами направете шлаг за украсување

Без разлика дали правите мафини или торта од готова смеса, ако ги правите за посебна пригода, можете да вложите уште малку труд и сами да направите шлаг.

Додајте кора од лимон или портокал за арома

Додајте малку рендана кора од лимон или портокал, особено ако правите чоколадна смеса.

Можете и да ставите малку од сокот во самата смеса.

Додајте екстракт од ванила

Слободно додајте неколку капки екстракт од ванила во смесата бидејќи одлично се вклопува со скоро сите готови смеси.

Додајте шарени или чоколадни трошки

За „повесел“ десерт, особено ако го правите за деца, можете да додадете и малку шарени трошки. Само најдобро додајте ги пред самото печење за да не испуштат многу боја.

Ако правите чоколаден десерт, нема да погрешите ако додадете малку чоколадни трошки.

Спирова С. | Црнобело