Грешки со италијанската храна што ги правиме сите, а ги „вадат од кожа“ Италијанците

Правите тестенини со пилешко

Тестенините се комбинираат со многу продукти – од зеленчуци, до месо.

Но, според Италијанците, тестенините никако не треба да се комбинираат со пилешко.

Наводно нема некоја конкретна причина за ова. Едноставно, останало како традиција во италијанската кујна.

Правите тестенини или рижото како прилог

Според „законите“ на италијанската кујна, тестенините и рижотото треба да бидат послужени како главен оброк.

Никако не треба да се служат како прилог на месо или некое друго јадење.

Ставате премногу пармезан

Многу луѓе сакаат да стават огромно количество пармезан и ова е разбирливо бидејќи навистина има одличен вкус.

Но, поради силниот вкус, пармезанот може да го засени вкусот на самото јадење. Поради ова, Италијанците преферираат да стават сосема малку пармезан.

Не обрнувате внимание на садовите

Италијанците внимателно одбираат во какви тави и тенџериња ќе ги приготвуваат јадењата бидејќи ова може да има влијание врз вкусот.

На пример, дебелото металното тенџере е совршено за варење тестенини и супи бидејќи го задржува вкусот.

Рецептите како лазања, пак, треба да се прават во стаклена или керамичка тава. Овие тави не се загреваат многу брзо, па лазањата ќе биде испечена порамномерно.

Пиете капучино во текот на целиот ден

Бидејќи Италијанците јадат полесен појадок, капучиното, кое има млеко, е одличен пијалак за наутро.

Од друга страна, еспресото и кафињата без млеко е подобро да се пијат попладне по ручек бидејќи нема да ви создадат проблеми со дигестијата на храната.

Спирова С. | Црнобело