Менде Бошевски: „Чувам бурмански питон, долг 2 метри, возрасна змија јаде само 7 - 8 пати годишно“

Со што се хранат змиите? Пијат ли вода?

Се хранат со глодари и птици.

Си имал ли некој немил настан со нив?

Немил настан имав кога ми избега една змија во гаражата и моите се плашеа да влезат во гаража. Инаку, сум бил каснат од змија повеќепати.

Сакаат ли галење?

Не сакаат галење, но не ни мразат. Тие немаат таков мозок да размислуваат.

На пример доколку е нахранета и им дадете зајак, птица или глушец за некое време, змијата нема да ги убие за да се одбрани, ќе ги убие само ако е гладна за да се нахрани.

Змијата како домашен миленик ти се допаѓа затоа што…

Мислам дека ми се допаѓа затоа што ми дава некакво чувство на слобода. Ги сакам сите животни, но најмногу ме интересираат змиите и гуштерите.

Што би им препорачал на вљубениците во змии, дали се соодветни за домашни миленици? Познаваш ли некој друг што чува?

Да, имам многу пријатели што чуваат змии. И интересно е што за змиите повеќе се интересираат девојките.

Честопати сме сведоци како куче убило сопственик, исто така и бурмански питон од 5 метра може да убие човек, како и човекот човек, но најголемата вина се нафрлува на змиите, а статистиката во светот не го докажува истото.

Стравот од змиите е стекнат, ние не сме се родиле со него. Децата сакаат змии природно, исто колку кучиња или мачки.

За мене важи дека: „Човекот со својот јазик може да ве повреди повеќе отколку змијата со својот“.

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело