Го славеле роденденот на љубовницата, па имале секс - Сите гласини за сопругот на Николина Пишек, кои таа потврди дека се точни

Детали

четврток, 22 јуни 2023

„Пред да почине, го славеле роденденот на љубовницата, имале секс, па починал во сон“ – Овие гласини кружеа по смртта на Видоје Ристовиќ, а Николина Пишек во интервју потврди дека се апсолутно точни.

Хрватската ТВ водителка Николина Пишек (47) деновиве е актуелна откако потврди дека пишувањата во медиумите по смртта на нејзиниот сопруг Видоје Ристовиќ се точни и дека тој не бил на масажа, како што првично се тврдеше, туку бил во станот на љубовницата.

Српскиот историчар на уметноста почина во неговиот стан во Белград на 8-ми мај 2020-та година, а официјалната верзија за неговата смрт беше дека починал на маса за масажа, но Николина одлучи да стави крај на гласините и да потврди дека жената која вечерта била со него му била љубовница.

Српските портали набрзо по смртта открија дека станува збор за извесна Данијела Б. која во станот каде што почина Видоје, живеела под кирија, а во станот имала свој салон за масажа, но вечерта поранешниот сопруг на Николина Пишек не бил на третман, туку на средба со неа.

Српскиот портал Republika.rs повикувајќи се на свои извори, пренесува што кажала Данијела во полиција за тоа што се случувало кобната вечер.

Таа изјавила дека таа вечер го славеле нејзиниот роденден и дека Видоје испил една чаша алкохол, вотка или виски, но таа не се сеќавала точно да каже што, бидејќи била во шок.

По ова, признала дека имале секс и дека тој не се пожалил на никакви здравствени проблеми, по што заспале.

„Таа тврдеше дека во еден миг се свртела кон Видоје и забележала дека тој не дише, по што веднаш повикала Брза помош. Но, кога лекарите пристигнале веќе било доцна за реанимација, и тие само констатирале смрт“ – пишува Republika.rs.

Потоа, Данијела му се јавила на таткото на Видоје, Виктор Ристовиќ, попознат како Миша Гроф кој дошол веднаш за да ги преземе личните работи на својот син.

Набрзо по смртта на Видоје, Данијела се отселила од станот и го затворила студиото за масажа, а во моментов никој не знае каде се наоѓа.

Николина Пишек, пак, ги потврди информациите, а за љубовницата на Видоје, рече дека веќе не се ни сеќава како се викала, но дека неговиот татко е тој што се обидел средбата да ја „продаде“ како масажа.

Б. С. Б. | Црнобело