Вирално видео: Келнер во Грција влегува во вода до врат само за да ги услужи гостите

Детали

среда, 05 јули 2023

Бич бар на грчкиот остров Родос поставил лежалки во морската вода за да им овозможи на туристите уникатно искуство, но келнерите мора да влезат во вода до врат за да можат да ги достават нарачките. Видео од еден келнер кој беше потопен до врат и едвај ги држи послужавниците вирално се прошири на социјалните мрежи.

Островот Родос во Грција е една од омилените туристички локации во текот на летниот период, а деновиве еден од популарните бич барови се најде на удар на критики кај грчката јавност, откако на социјалните мрежи се појави видео на кое се гледа како келнерот за да ги однесе нарачките до оддалечените лежалки во водата, мора да влезе во вода и накиснат да стигне до нив.

Дел од грчките медиуми пишуваат дека ова е вообичаена практика во бич баровите на Родос и дека тоа го прават сите келнери што одлучиле да работат во нив.

Παράνομα λειτουργεί τo Santa Marina, το beach bar στη Ρόδο που έγινε διεθνώς γνωστό από τις ντροπιαστικές εικόνες με τον σερβιτόρο-κολυμβητή να σερβίρει σε παράνομες πλωτές ξαπλώστρες, με το νερό να του φτάνει στο λαιμό ενώ η σφράγιση του χώρου έχει διαταχθεί πολλές φορές από το… pic.twitter.com/l3n2Kajtx4

— Areti Athanasiou (@AretiAthanasiu) July 4, 2023

Иако ова било практика со години наназад, по виралното видео, грчките власти ветија дека ќе ги засилат инспекциите за да увидат што точно се случува.

За грчките весници изјава даде и сопственикот на бич барот кој рече дека келнерот сам се понудил да ја достави нарачката, а негова вина е тоа што е премногу низок, па водата му стигнала до вратот.

„Ние не го натеравме сосила келнерот да влезе во вода.

Водата му стигна до градите затоа што е премногу низок. Тој сам се понуди да ја однесе нарачката“ – се вели во изјавата.

Инаку, според него, лежалките во вода се поставени за да им се овозможи на туристите уникатно искуство, и да можат да уживаат комотно без гужви.

Видеото е објавено на ТикТок, а во коментарите некои од оние што го погледнаа велат дека келнерот зема плата од 5.000 евра месечно, па и тие би го работеле истото за тие пари.

Според други, пак, келнерот сигурно знаел што вклучуваат неговите работни обврски и самиот прифатил да го работи тоа.

Дел од порталите во Грција пишуваат дека келнерите во познатиот бич бар на Родос работат во слични услови од 2015-та година.

Погледнете го видеото:

@protothema.gr

#rodos #beach #bar #service #protothema #news #ελληνικοτικτοκ #greektiktok #fyp #tiktokgr

♬ πρωτότυπος ήχος - protothema.gr

Б. С. Б. | Црнобело