Анастасија Ражнатовиќ со Немања Гудељ ужива на одмор на Ибица - го преброди тешкиот период со негова поддршка (фото)

Детали

петок, 07 јули 2023

Настап на егзотични танчарки во кабаре, концерт на кој Гудељ танцува до неа и ја бакнува и заедно пеат на шпански јазик. Анастасија Ражнатовиќ споделува видеа и фотографии од одморот со нејзиниот партнер, еден месец откако го загубија бебето.

Еден месец откако го загубија бебето во петтиот месец од бременоста Анастасија Ражнатовиќ и Немања Гудељ заминаа на одмор на Ибица и додека некои српски медиуми упорно тврдеа дека тие двајца се разделуваат младиот пар покажа дека нивната љубов е посилна од сѐ.

Неодамна Анастасија Ражнатовиќ повторно го активираше својот профил на Инстаграм каде редовно обајвува фотографии и видеа од одморот на Ибица со нејзиниот партнер, фудбалерот Немања Гудељ.

Таа објави фотографија на која е задно со Лана Лазаревиќ, девојката на братот на Немања, Драгиша. До фотографијата таа стави краток опис:

„Јатрви!“

Набрзо по ова таа објави уште едно видео на Инстаграм Стори на кое се гледа дека со Немања биле на забава на Ибица и додека заедно пеат песна на шпански јазик, Немања ја бакнува во образ.

Освен што беа на забава, Анастасија сподели фотографии и од вечерните и дневните излегувања, а ги почести своите следбеници со фотки на кои е без грам шминка.

Tаа сподели и неколку видеа на кои може да се види дека тие биле во посета на кабаре на Ибица, а Анастасија беше воодушевена од танцот на една од девојките на сцената, па видеото од нејзиниот настап го сподели на Инстаграм Стори.

Анастасија објави и нова заедничка фотографија со Немања, на која може да се забележи неговата нова фризура, откако тој беше во Турција на операција за пресадување коса и ја потстрижа долгата коса.

Б. С. Б. | Црнобело