Жена бара совет: „На одмор сме во Грција, не можеме да спиеме од соседите кои се собираат пред апартманот, децата им врескаат“

Детали

четврток, 27 јули 2023

„Секоја вечер 3 до 4 семејства со мали деца ги спојуваат масите, гласно се смеат и разговараат, децата гласно врескаат и така e до полноќ“ – се жали една Србинка на Фејсбук и бара помош. Нејзината објава го подели мислењето на членовите во групата – за едни таа е „намќор“, а други ја советуваат да ги пријави. Што би направиле вие?

За некои луѓе годишниот одмор е време кога сакаат да се одморат и да се наспијат додека се на море, а други пак сакаат да се опуштат, да склопат пријателства со „соседите“ во близина и да се дружат. На која категорија луѓе спаѓате вие?

Една Србинка на Фејсбук групата „Грчка инфо“ побара помош од членовите на групата за да најде начин како да се справи со незавидната ситуација во која се нашла.

„Поздрав, дали има некој искуство и што да правам... Пред нашиот апартман има заеднички простор.

Секоја вечер 3 до 4 семејства со мали деца ги спојуваат масите, пијат, пушат, гласно се смеат и разговараат, децата врескаат и така до полноќ.

Ние и другите туристи што сакаме да спиеме, бидејќи сме не одмор, не можеме од бучавата.

На опомените дека не се сами, не реагираат. Ве молам за совет“ – напиша таа.

Коментарите во групата се различни. Додека едни тврдат дека кога се оди на туристичко место, очекувано е да има бучава, други велат дека тоа што се на одмор, на луѓето не им дава право да го реметат мирот на останатите.

„Во секој комплекс мора да постои куќен ред, побарајте од сопственикот на апартманот да го почитуваат“;

„Секогаш се наоѓа по некој намќор кому сѐ и сешто му смета“;

„Па дошле луѓето на одмор за да се забавуваат, а не да спијат“;

„Па ако е до полноќ, како што велиш, тогаш е во ред, затоа што тоа е одмор. Па нема веројатно сите да си легнеме во 10 часот заради вас, кои не сакате да се дружите“;

„Мое мислење... Запознајте се со луѓето и со нив смејте се и уживајте во одморот“;

„Секако дека овде некои ќе се обидат да ве убедат дека и вие треба да се однесувате како нив, дека не знаете да се забавувате и дека всушност вие сте тие што се проблематични затоа што не ја прифаќате таа некултура.

Секаде во цивилизираниот свет постои куќен ред, без разлика дали се работи за зградата каде што живеете, работите или го поминувате одморот. И тоа постои за да се почитува.

Пријавете ги на сопственикот на апартманот, тој има обврска да ви обезбеди мир и постојано сместување, тука каде што сте одлучиле да го поминете одморот“ – стои во дел од коментарите.

Што мислите вие? Треба ли да им се замери на луѓето што до полноќ прават седенки со децата или да им се дозволи да уживаат онака како што сакаат?

Б. С. Б. | Црнобело