Јелена Карлеуша во смел стајлинг ги покажа лузните од царскиот рез (и не крие дека се гордее со нив)

Детали

вторник, 15 август 2023

Јелена Карлеуша објави неколку фотографии во црн фустан кој едвај ѝ ги покрива градите и гениталиите, а под кој се гледаат лузните од царскиот рез. Иако лузните ги нема во спотот и на официјалните фотографии, пејачката не се срами да ги покаже јавно и вели дека е горда на нив.

Српската пејачка Јелена Карлеуша, која на 13.08 го промовираше новиот албум „Alpha“ и спотот за песната „KarlyB*tch“, деновиве на својот Инстаграм постојано објавува фотки и видеа од зад сцената, направени за време на снимањето на спотот, од фотосесијата за корицата на албумот, од дружењето со екипата која работела на создавањето на спотот.

Карлеуша објави и неколку фотографии од нејзиниот смел стајлинг, црн фустан кој едвај ги покрива градите и гениталиите и под кој се гледаат лузните од царскиот рез.

На дел од фотките, пак, има само црн кожен градник и гаќички и зелена перика.

Иако лузните ги нема во спотот и на официјалните фотографии, пејачката не се срами да ги покаже и вели дека е горда на нив.

Јелена, која е позната по тоа што нема влакна на јазикот и отворено зборува за сè, неколку пати претходно ги коментираше своите лузни на телото.

„Да, знам дека зумирате и ја гледате лузната од мојот царски рез. И тоа не една, туку три (две лузни од породување и една од отстранување на бениген тумор). Не би ми пречело да имам и повеќе.

Никогаш не ги кријам лузните, горда сум на нив. И лузните на телото и лузните на душата нè прават тоа што сме. Уникатни и едни во милијарда,“ рече таа во една пригода.

Пејачката последниов период е актуелна со новиот албум, кој е прв на Карлеуша по повеќе од 10 години.

Сепак, новите песни на дивата ги поделија мислењата, па според едни тој е вистинско совршенство, а за други е „фијаско“ за кое не вредело да се чека цела деценија.

Таа пак, не реагира на коментарите и направи домашна журка за да го прослави излегувањето на албумот и на големо ја промовира втората песна, „Mashallah“ која е дует со Милица Павловиќ.

Прочитајте и „Фијаско, ја копираш Гага“: Јелена Карлеуша со спот од 250.000 евра, еротско издание и билборди низ Белград поттикна лавина реакции

А. Ј. | Црнобело