Николија Јовановиќ искрено за изгледот: „Ставам ботокс, а ги тетовирав веѓите и усните, но се каам за пластичните операции“

Детали

вторник, 05 септември 2023

„На третмани со ботокс одам еднаш или двапати годишно и нема потреба од повеќе“ – вели Николија Јовановиќ во видеото во кое откри на што се должи нејзиниот изглед. Пејачката претходно призна дека се кае за пластичните операции и откри кои естетски корекции ги направила.

Српската пејачка Николија Јовановиќ, која е ќерка на Весна Змијанац и партнерка на Реља Поповиќ, на Инстаграм Стори објави ново видео во кое се пофали со новата фризура, но и призна дека редовно оди на третмани со ботокс за лицето да ѝ биде совршено.

„На третмани одам еднаш или двапати годишно и нема потреба од повеќе. Океј, попушта ботоксот, но лицето ми е буквално совршено“ – вели таа во краткото видео.

Освен тоа, пејачката се пофали дека направила тетоважа на веѓите и на усните и дека тоа го прави еднаш во две години.

„Буквално сè е совршено, нема потреба да доаѓам на корекција сигурно уште две години“ – рече Николија.

Инаку, Николија, пред извесен период објави подолго видео на ТикТок, во кое призна дека направила поголем број естетски операции уште додека била многу млада, па сега се кае заради нив.

„Прво нешто што коригирав, беа градите. Имав многу голем комплекс затоа што бев рамна како штица. Таа операција во 20-тите години направи да се чувствувам убаво во сопственото тело.

Но, сега во 30-тите никогаш не би вградила силикони, и, да можам да го вратам времето, никогаш не би ја направила таа операција, затоа што мислам дека природните гради се најубави и дека имплантите се непотребни“ – рече таа.

Втората грешка што таа ја направила, бил силиконот во усните.

„Како девојче, заради некоја глупава мода, во своите преубави усни ставив метакрил.

Тој со текот на времето се изобличи и изгледав како патка. Минатата година имав хируршка интервенција за да го извадам целиот вештачки материјал од усните и сега тие се речиси природни, како што беа“ – рече Николија.

Прочитајте и Пред Реља била во врска со кошаркар од Нигерија, си го смени личниот опис со операции – Животната приказна на Николија Јовановиќ

Погледнете повеќе фотографии од Николија во продолжение:

 Б. С. Б. | Црнобело