Соседите за животот со Северина во иста зграда: „Постојано ѝ доаѓаат двајца мажи, напорно е да се живее до неа“

Детали

среда, 06 декември 2023

„Tаа ако сака нека биде ѕвезда 100 пати, но од неа не може да се живее. Дури зборуваше дека ние ја шпионирамe и им кажуваме на медиумите што прави, како нас да нè интересира тоа“ – се жалат соседите на хрватската пејачка Северина. Тие открија и кои двајца мажи се редовни посетители во нејзиниот дом, а и како се однесува со синот Александар.

Хрватската пејачка Северина пред неколку години купила два стана во зграда во Загреб, што потоа одлучила да ги спои и да направи луксузен пентхаус од 300 метри квадратни со големи прозорци и балкони, од каде има прекрасен поглед на градот.

Неодамна зградата добила и нова фасада, но нејзините соседи се жалат и велат дека воопшто не се среќни што најпозната хрватска пејачка им е сосетка.

Според Kurir.rs, соседите се незадоволни затоа што во текот на изминатата година, пејачката одлучила целосно да го реновира и да го преуреди станот.

Таа во целост го извадила стариот мебел, па купила нов, ставала нови врати, прозорци и ролетни.

„Сето тоа премногу се одложи, а од бучавата и од работниците што постојано се менуваа, не можевме да живееме со месеци“ – се жалат соседите.

Друг сосед што живее во зградата наспроти онаа на Северина исто така нема пофални зборови за пејачката.

„Ма таа ако сака нека биде ѕвезда 100 пати, но од неа не може да се живее. Како да се крие од сите и не разговара со никој од соседите. Ретко излегува од станот и најчесто е затворена.

Дури зборуваше дека ние ја шпионирамe и им кажуваме на медиумите што прави, како нас да нè интересира тоа. Еден сосед дури и го гаѓаше со јајца“ – вели тој.

Соседот раскажува дека кога слушнале дека пејачката ќе се сели и бара нова куќа во Самобор, сите биле пресреќни, за потоа да се разочараат кога ништо не се остварило од тоа.

Тој открива дека на Северина постојано на гости ѝ доаѓаат мајка ѝ Ана и внуката Миа, а постојано се тука и нејзиниот менаџер Томица Петровиќ и композиторот Филип Милетиќ, додека кога синот Александар е кај неа тие двајца или постојано се дома или некаде патуваат заедно.

„Се гледа дека е многу врзана за него. Додека беше омажена, Игор постојано престојуваше кај неа во станот додека беше овде. Еден пријател од нејзината зграда ми кажа дека слушнал страшна расправија со Игор и викање од нејзиниот стан, по што тој по неколку часа си ги собра сопствените работи од станот и со замина. Оттогаш никој повеќе не го виде, а потоа слушнав дека се развеле“ – вели соседот.

Освен луксузниот пентхаус во Загреб, Северина има и стан во Сплит на самиот брег на морето, во населбата Жњан, која важи за еден од најскапите делови на родното место на пејачката, каде свои станови имаат и други познати личности.

Б. С. Б. | Црнобело