Децата на Новаќ Ѓоковиќ не јадат месо - Јелена тврди дека ретко се разболуваат

Детали

вторник, 12 декември 2023

„Стефан првата година и пол имаше нормална исхрана со месо и риба, но потоа продолжи само со растителна храна. Тара, пак, е на растителна исхрана откако е родена и, фала му на Бога, никогаш не сме имале проблеми со нејзиното здравје“, вели Јелена Ѓоковиќ, сопругата на најдобриот светски тенисер. 

Јелена и Новак Ѓоковиќ се познати по здравиот начин на исхрана и нутритивните навики, а тоа го пренесуваат и на своите деца, синот Стефан (9) и ќерката Тара (6).

Јелена вели дека нејзините деца воопшто не јадат месо и се хранат здраво, а како резултат на тоа, здравјето им е одлично и тие ретко се разболуваат.

Во една пригода Јелена истакна дека секој ден им подготвува посебен појадок со кокосово млеко.

Таа во млекото става различни семиња, и тоа чиа, коноп, мак, лен и слично, па ги остава да отстојат преку ноќ.

Следното утро нивниот вкус го збогатува со ванила, цеден сок или со свежо овошје.

Според неа, ова е совршениот појадок кој им дава сила, хранливи материи и енергија.

„Моите деца преминаа на растителна исхрана. Стефан првата година и пол имаше нормална исхрана со месо и риба, но потоа продолжи само со растителна храна.

Тара, пак, е на растителна исхрана откако е родена и, фала му на Бога, никогаш не сме имале проблеми со нејзиното здравје“, изјави Јелена.

Но, додава и дека Стефан и Тара се како сите деца, па воопшто не сакаат да јадат зелена салата, но обожаваат моркови, компири и краставици.

А. Ј. | Црнобело