Марија Шерифовиќ на прошетка со синот низ Лос Анџелес: „Сега ми е јасно зошто се вљубив во Калифорнија“

Детали

понеделник, 18 декември 2023

Додека овде на Балканот е ладно и се подготвуваме за почетокот на зимата, Марија Шерифовиќ ужива со синот во сонцето во Калифорнија. „Сега ми е јасно зошто се вљубив во оваа земја“ – рече Марија непосредно по раѓањето на синот.

Марија Шерифовиќ објави ново Инстаграм Стори како го шета синот Марио низ Лос Анџелес.

Пејачката деновиве е топ тема, откако објави дека добила дете со помош на сурогат мајка, а очигледно таа и мајка ѝ Верица сѐ уште не се вратени во Србија.

Откако објави видео со рачето на синот и порака во која им се заблагодари на пријателите што ѝ ја чувале тајната, Мaрија Шерифовиќ одлучи уште еднаш да ги изненади своите фанови, па објави видео како го шета синот Марио низ Лос Анџелес.

Пејачката во изјави за српските медиуми откри дека целата постапка за раѓањето на нејзиниот син се одвивала во САД, па честопати патувала на релација Србија-САД, а присуствувала и на сите поважни мигови врзани со раѓањето на малиот Марио.

„Цело време бев присутна. Од одењето во болница, па до самото породување. Моите чести патувања во САД беа мотивирани заради тоа.

Во последниот месец постојано бевме заедно со сурогат мајката и сакав да го поминеме заедно секој чекор, секоја секунда од тој чин“ – вели Марија.

Таа рече дека ја избрала Америка како земја каде ќе се роди нејзиниот син, бидејќи е најнапредната во смисла на целата процедура околу сурогат мајчинството.

„Сега ми е целосно јасно, зошто се вљубив во Кaлифорнија“ – рече Марија во изјава за српските медиуми.

Прочитајте и Сите детали за патот до мајчинство на Марија Шерифовиќ: Детето се родило во САД, името на таткото не смее да го открие

Б. С. Б. | Црнобело